ବୌଦ୍ଧ,୨୬/୪- ବୌଦ୍ଧବ୍ଲକ୍ ବଘିଆପଡା ଗ୍ରାମ ପଞ୍ଚାୟତ ମାଝିସାହି ଗ୍ରାମରେ ଥିବା ଗୋଟିଏ ନଳକୂଅର ଚେନ୍ ଆଜକୁ ମାସେ ହେବ ଛିଣ୍ଡିଯାଇଥିବା ଯୋଗୁଁ ଗ୍ରାମବାସୀ ହନ୍ତସନ୍ତ ହେଉଥିବା ଅଭିଯୋଗ ହୋଇଛି । ଛିଣ୍ଡି ଯାଇଥିବା ଚେନ୍କୁ ଯୋଡିବାପାଇଁ ଲୋକେ ବାରମ୍ବାର ଗ୍ରାମ ପଞ୍ଚାୟତ ନିକଟରେ ଅଭିଯୋଗକଲେ ମଧ୍ୟ ପଂଚାୟତ କର୍ତ୍ତୃପକ୍ଷ ସେ ଦିଗରେ କୌଣସି ପଦକ୍ଷେପ ନେଉନଥିବା ହେତୁ ଲୋକେ ଏକ ବିକଳ୍ପ ବ୍ୟବସ୍ଥା ଆପଣାଇଛନ୍ତି । ଚେନ୍ ଛିଣ୍ଡି ଯାଇଥିବା ଫଳରେ ନଳକୂପର ହେଣ୍ଡେଲ ମାରିଲେ କାମଦେଉ ନାହିଁ । ସେଥିପାଇଁ ନଳକୂପର ଆଗପଟରୁ ଏକ ଶାବଳ ପୁରାଇ ନଳକୂପର ଲିଭରକୁ ତଳ ଉପର କରି ବହୁକଷ୍ଟରେ ପାଣି ବାହାର କରୁଥିବା ଦେଖିବାକୁ ମିଳୁଛି । ତୁରନ୍ତ ଚେନ୍ ମରାମତି ଦିଗରେ ପ୍ରଶାସନ ପଦକ୍ଷେପ ନେବାକୁ ଜନସାଧାରଣରେ ଦାବି ହେଉଛି ।