ବୌଦ୍ଧ,୮/୧୧- ଜିଲ୍ଲା ଶିଳ୍ପ କେନ୍ଦ୍ର କାର୍ଯ୍ୟାଳୟ ନିକଟରେ ଥିବା ଓଡିଶା କୃଷି ଶିଳ୍ପ ନିଗମ ବୌଦ୍ଧର ନୂତନ କାର୍ଯ୍ୟାଳୟ ଓ ବହୁମୁଖୀ କୃଷି ଗୋଦାମଗୃହ ଆଜି ଉଦଘାଟିତ ହୋଇଯାଇଛି । ମୁଖ୍ୟଅତିଥି ଭାବେ ବୌଦ୍ଧ ବିଧାୟକ ପ୍ରଦିପ କୁମାର ଅମାତ ଯୋଗଦେଇ କାର୍ଯ୍ୟାଳୟକୁ ଫିତାକାଟି ଉଦଘାଟନ କରିଥିଲେ । ଶ୍ରୀ ଅମାତ ଏହି ଅବସରରେ କୃଷକମାନଙ୍କୁ ଉତ୍ସାହିତ କରିବା ସହିତ ଏହି ଗୋଦାମଗୃହ ହେବା ଯୋଗୁଁ କୃଷକମାନେ କୃଷିଜାତ ଦ୍ରବ୍ୟ ସହଜରେ ପାଇପାରିବେ ଓ ଚାଷୀ ଚାଷପାଇଁ ଆଗ୍ରହୀ ହେବେ ବୋଲି କହିଥିଲେ । ସମ୍ମାନୀତ ଅତିଥି ଭାବେ ଜିଲ୍ଲାପାଳ ଲଲାଟେନ୍ଦୁ ମିଶ୍ର, କୃଷି ଶିଳ୍ପ ନିଗମ ଅଧ୍ୟକ୍ଷ ଦେବାଶିଷ ମହାନ୍ତି, ପରିଚାଳନା ନିର୍ଦ୍ଦେଶକ ସଦାନନ୍ଦ ନାୟକ, ପ୍ରତିନିଧି ସାଧାରଣ ପରିଚାଳକ ଇଂ. ରାଜେନ୍ଦ୍ର ପ୍ରସାଦ ପୃଷ୍ଟି ପ୍ରମୁଖ ଯୋଗଦେଇଥିଲେ । ଜିଲ୍ଲା ପରିଚାଳକ ନାରାୟଣ ମହାନନ୍ଦ ମଂଚ ପରିଚାଳନା କରିଥିବାବେଳେ ସହାୟକ ଯନ୍ତ୍ରୀ ଇଂ. ପ୍ରଦୀପ୍ତ କୁମାର ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ ।