ବୌଦ୍ଧ,୧୦/୮- ଭୋଟର ତାଲିକାର ସ୍ୱତନ୍ତ୍ର ସଂକ୍ଷିପ୍ତ ସଂଶୋଧନ ଏବଂ ଆଧାର ସହିତ ନିଜର ଭୋଟର ପରିଚୟ ପତ୍ର ସଂଯୋଗ ପାଇଁ ପଞ୍ଚାୟତ ସମିତି କାର୍ଯ୍ୟାଳୟ ଠାରେ ଗରୁଡ ଆପ ମାଧ୍ୟମରେ ଏକ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ସହକାରୀ ଭୋଟର ପଞ୍ଜିକରଣ ଅଧିକାରୀ ବୌଦ୍ଧବ୍ଲକ ବିଡିଓ ଅବିନାଶ ପାଣ୍ଡିଆ, ସହକାରୀ ଭୋଟର ପଞ୍ଜିକରଣ ଅଧିକାରୀ ଏନଏସି ଅଧିକାରୀ ଇଂ. ମନୋରଞ୍ଜନ ପଣ୍ଡା, ପ୍ରଶିକ୍ଷଣ ଅଧିକାରୀ ସହକାରୀ ଜିଲ୍ଲାପାଳ ଚନ୍ଦ୍ରକାନ୍ତ ବେହେରା, ପ୍ରଶିକ୍ଷଣ ସହାୟକ ଜୀତେନ୍ଦ୍ର ମେହେର ପ୍ରମୁଖ ଉପସ୍ଥିତ ଥିଲେ । ଏହି ପ୍ରଶିକ୍ଷଣ କାର୍ଯ୍ୟରେ ୧୩୦ ଜଣ ବୁଥସ୍ତରୀୟ ଅଧିକାରୀ ଓ ୨ ଜଣ ସହକାରୀ ଭୋଟର ପଞ୍ଜିକରଣ ଅଧିକାରୀ ଯୋଗ ଦେଇଥିଲେ । ପ୍ରଶିକ୍ଷଣରେ ଫର୍ମ ୬ (ଖ) ଗରୁଡ ଆପରେ କିପରି ପୂରଣ କରିବେ, ଆଧାର ସଂଯୋଗୀକରଣ କିପରି କରିବେ ସେହି ବିଷୟରେ ପ୍ରଶିକ୍ଷଣ ଦିଆଯାଇଥିଲା । ଏହା ବ୍ୟତୀତ ଫର୍ମ-୬, ଫର୍ମ- ୭ ଫର୍ମ-୮ ରେ ନୂତନ ଭାବେ ହୋଇଥିବା ପରିବର୍ତ୍ତନ ବିଷୟରେ ମଧ୍ୟ ବୁଥସ୍ତରୀୟ ଅଧିକାରୀ ମାନଙ୍କୁ ଅବଗତ କରାଯାଇଥିଲା ।