ବୌଦ୍ଧ,୭/୫- ଆଜି ଭୋର ସମୟରେ ଜାତୀୟ ରାଜପଥ ନମ୍ବର୍ ୫୭ର ହରଭଙ୍ଗା ବ୍ଲକ ନୂଆପଡା ପୋଲ ବୁଲାଣିଆ ରାସ୍ତାରେ ଗୋଟିଏ ଟ୍ରକ ସହ ଇନୋଭାର ମୁହାଁମୁହିଁ ଧକ୍କା ହେବା ଫଳରେ ଦୁଇଜଣ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଗତକାଲି କଟକରେ ନିଜ ପରିବାରକୁ ଛାଡି କଳାହାଣ୍ଡି ଜିଲ୍ଲା ଧର୍ମଗଡର ବିକାଶ ଅଗ୍ରୱାଲ (୩୫)ଏକ ଇନୋଭାକାର୍ ଯୋଗେ ଡ୍ରାଇଭର ସହ ଧର୍ମଗଡ ଫେରୁଥିଲେ । ଆଜି ଭୋର ସମୟରେ ଜାତୀୟ ରାଜପଥ ନମ୍ବର୍ ୫୭ର ନୂଆପଡା ପୋଲ ବୁଲାଣିଆ ଠାରେ ବୌଦ୍ଧପଟୁ ଯାଉଥିବା ଏକ ଟ୍ରକସହ ମୁହାଁମୁହିଁ ଧକ୍କା ହୋଇଥିଲା । ଫଳରେ ସେମାନେ ଗୁରୁତର ଆହତ ହୋଇଥିଲେ । ସ୍ଥାନୀୟଲୋକ ତାଙ୍କୁ ଉଦ୍ଧାରକରି ବୌଦ୍ଧ ଡାକ୍ତରଖାନା ରେ ଭର୍ତ୍ତି କରାଇଥିଲେ । ବିକାଶଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ଡାକ୍ତରଖାନା ସ୍ଥାନାନ୍ତର କରାଯାଉଥିବା ଜଣାପଡିଛି । ଗୁରୁତର ଆହତ ଡ୍ରାଇଭର ଉଆସୀ କେତି (୩୦) ବୌଦ୍ଧ ଡାକ୍ତରଖାନାରେ ଚିକିତ୍ସା ହେଉଥିବା ସୂଚନା ମିଳିଛି ।