ହରଭଙ୍ଗା,୨/୧- ୫୭ନଂ ଜାତୀୟ ରାଜପଥ ମାଧପୁର ନିକଟରେ ସଡକ ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ପୂର୍ବତନ ସମିତିସଭ୍ୟ । ସୂଚନା ଅନୁଯାୟୀ ହରଭଙ୍ଗା ବ୍ଲକ ଆଡେଣିଗଡ ପଂଚାୟତ ମାଧପୁର ଗ୍ରାମର କାବୁ ଭାଇ ଗତକାଲି ନୂଆବର୍ଷ ଅଭିନନ୍ଦନ ଜଣାଇ ନିଜ ଘରକୁ ଓଡି ୩୩ଏଜି୧୧୮୮ନଂ ଥିବା ଏକ କାରରେ ସନ୍ଧ୍ୟା ୯ଟା ସମୟରେ ଫେରୁଥିଲେ । ଘରଠାରୁ ଏକ କିଲୋମିଟର ଦୂରରେ ତାଙ୍କ ଗାଡିକୁ ଏକ ଅଜଣା ଟ୍ରକ ପଛରୁ ଧକ୍କା ଦେଇ ଫେରାର ହୋଇଯାଇଥିଲା । ଫଳରେ ଗାଡିଟି ଭାରସାମ୍ୟ ହରାଇ ଆଗରେ ଥିବା ଏକ ଟ୍ରକକୁ ଧକ୍କା ଦେଇଥିଲା । ଏହି ଧକ୍କା ରେ ଗାଡିଟି ସଂପୂର୍ଣ୍ଣ ନଷ୍ଟ ହୋଇଯାଇଥିବା ବେଳେ କାବୁ ବାବୁ ନିରାପଦ ଥିବା ସୂଚନା ମିଳିଛି ।