ବୌଦ୍ଧ/ଜହ୍ନାପଙ୍କ,୨/୧୦ – ଆଜି ପବିତ୍ର ଗାନ୍ଧୀଜୟନ୍ତୀରେ ବୌଦ୍ଧବ୍ଲକ ତେଲିବନ୍ଧ ଗ୍ରାମ ପଂଚାୟତ ଗୌତମପାଲି ଗ୍ରାମର ଯୁବକ ମାନେ ସ୍ୱଚ୍ଛ ଗାଁ, ସ୍ୱଚ୍ଛ ଭାରତର ବାର୍ତ୍ତା ବାଣ୍ଟିଛନ୍ତି । ଗ୍ରାମରେ ଥିବା ଭଗବତ୍ ସେବା ସଂଘର ଯୁବ ସଦସ୍ୟମାନେ ଏକତ୍ରହୋଇ ନେହେରୁ ଯୁବକେନ୍ଦ୍ରର ସ୍ୱେଚ୍ଛାସେବୀ ସୁମୀ ପ୍ରଧାନଙ୍କର ପ୍ରେରଣାକ୍ରମେ ଗୌତମପାଲି ଗ୍ରାମ ମଧ୍ୟରେ ଥିବା ନଳକୂପର ପରିବେଶ ସଫାସୁତରା କରିବାସହ ରାସ୍ତାପାର୍ଶ୍ୱରେ ଥିବା ଅନାବନା ଗଛଲତା ଓ ଅଳିଆ ଆବର୍ଜନାକୁ ନିଜ ହାତରେ ସଫା କରିଥିଲେ । ଗ୍ରାମର ପରିବେଶ ସ୍ୱଚ୍ଛ ରହିଲେ ଆମେ ସୁସ୍ଥ ରହିବା ତେଣୁ ଆମେ ନିଜେ ଗ୍ରାମର ପରିବେଶକୁ ଆଜି ଗାନ୍ଧୀ ଜୟନ୍ତୀରେ ସ୍ୱଚ୍ଛ ରଖିବାକୁ ଶପଥ ନେଇଛୁ ବୋଲି ଜିପୁନ୍ କୁମାର୍ ହୋତା ପ୍ରକାଶ କରିଛନ୍ତି । ଯୁବକ ମାନଙ୍କ କାର୍ଯ୍ୟକୁ ଗ୍ରାମବାସୀଙ୍କ ପକ୍ଷରୁ ସ୍ୱାଗତ କରିବା ସହ ପ୍ରଶଂସା କରାଯାଇଛି ।