ବୌଦ୍ଧ/ ବାଉଁଶୁଣୀ,୧୦/୨- ଗତ ବିଳମ୍ବିତ ରାତିରେ ୫୭ନଂ ଜାତୀୟ ରାଜପଥର ଗୁଦୁଗୁଦା ନାଳ ଉପରେ ଥିବା ବ୍ରିଜ ବାଡାରେ ଭାରସାମ୍ୟ ହରାଇ ଗୋଟିଏ କାର ଦୁର୍ଘଟଣାଗ୍ରସ୍ତ ହେବାରୁ ଜଣେ ଗୁରୁତର ଆହତ ହୋଇଥିବା ଜଣା ପଡିଛି । ମିଳିଥିବା ସୂଚନା ଅନୁଯାୟୀ ବଲାଙ୍ଗୀରରୁ ବୌଦ୍ଧ ଆଡକୁ ଆସୁଥିବା ଗୋଟିଏ ସୁଇପ୍ଟ ଡିଜାୟର୍ କାର୍ ଓ ଆର ୦୩ ୫୭୭୫ ଗୁଦୁଗୁଦା ନାଳ ଉପରେ ଥିବା ଅଣ ଓସାରିଆ ପୋଲ ବାଡାରେ ଭାରସାମ୍ୟ ହରାଇ ଧକ୍କା ଦେଇଥିଲା । ଜଣେ ଗୁରୁତର ଆହତଙ୍କୁ ସ୍ଥାନୀୟ ଲୋକମାନଙ୍କ ସହାୟତାରେ ବାଉଁଶୁଣୀ ଦମକଳବାହିନୀ ଆସି ଉଦ୍ଧାର କରି ବାଉଁଶୁଣୀ ଡାକ୍ତରଖାନାରେ ଭର୍ତ୍ତି କରିଥିଲା । ତେବେ ଗୁରୁତର ଅବସ୍ଥାରେ ଥିବା ବ୍ୟକ୍ତି ଜଣଙ୍କ ପରିଚୟ ମିଳିପାରିନାହିଁ ।