ବୌଦ୍ଧ,୨୭/୫- ବାତ୍ୟା ‘ୟାସ’ର ପ୍ରଭାବରେ ବୌଦ୍ଧଜିଲ୍ଲାରେ ଗତ ୨୫ ତାରିଖ ରାତିରୁ ବର୍ଷା ଲାଗିରହିଛି । ଆଜିସୁଦ୍ଧା ବୌଦ୍ଧବ୍ଲକରେ ୨୩ ମିଲିମିଟର ବର୍ଷା, କଣ୍ଟାମାଳ ବ୍ଲକରେ ୧.୪ ମିଲିମିଟର ଏବଂ ହରଭଙ୍ଗା ବ୍ଲକରେ ୩ମିଲିମିଟର ବର୍ଷା ହୋଇଥିବା ସରକାରୀ ସ୍ତରରେ ସୂଚନା ଦିଆଯାଇଛି । ଝିପିଝିପି ବର୍ଷା ଲାଗିରହିଥିବାରୁ ଲୋକେ ନାହିଁନଥିବା ଅସୁବିଧାର ସମ୍ମୁଖୀନ ହୋଇଛନ୍ତି । ବର୍ଷା ଯୋଗୁଁ ପନିପରିବା ଦୋକାନ ଓ ବିଭିନ୍ନ ଅତ୍ୟାବଶ୍ୟକ ସାମଗ୍ରୀ ଥିବା ଦୋକାନଗୁଡିକରେ ଆଜି ଲୋକଙ୍କ ଗହଳି ଚହଳି ଦେଖିବାକୁ ମିଳିନଥିଲା । ଫଳରେ ବେପାରରେ ବାଧା ସୃଷ୍ଟି ହୋଇଥିଲା ।