ବୌଦ୍ଧ,୨୪/୧୨ – ବୌଦ୍ଧଜିଲ୍ଲା କଣ୍ଟାମାଳ ବ୍ଲକ ଦପଲା ଗ୍ରାମ ପଞ୍ଚାୟତ ପଇରବନ୍ଧ ଠାରେ ଚାଲିଥିବା ୩ ଫର୍ମାଟ ବିଶିଷ୍ଟ କ୍ରିକେଟ୍ ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚରେ ବଘାଡ ଟିମ୍କୁ ହରାଇ ବରପଦର କ୍ରିକେଟ୍ ଟିମ ଚାମ୍ପିଆନ ଟ୍ରଫି ହାସଲ କରିଛି । ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ୍ରେ ମୁଖ୍ୟ ଅତିଥି ଭାବରେ ଶ୍ରମିକ ନେତା ସରୋଜ କୁମାର ପ୍ରଧାନ ମୁଖ୍ୟ ଅତିଥି ଭାବରେ ଯୋଗଦେଇ ଟ୍ରଫି ପ୍ରଦାନ କରିଥିଲେ । ଅନ୍ୟତମ ଅତିଥି ଭାବେ ଦପଲା ଜି. ଆର. ଏସ. ସୁଜିତ ପ୍ରଧାନ ଯୋଗ ଦେଇଥିଲେ । ପ୍ରଥମ ୧୦ ଓଭର ବିଶିଷ୍ଟ ମ୍ୟାଚରେ ବରପଦର ଟିମ୍ ୯୮ ରନ୍ କରିଥିବା ବେଳେ ୫ ଓଭର ବିଶିଷ୍ଟ ମ୍ୟାଚରେ ୩୫ ରନ୍ କରିଥିଲା । ତାହାର ଜବାବରେ ବଘାଡ ଟିମ୍ ଯଥାକ୍ରମେ ୨୯ ଓ ୨୪ ରନ୍ କରିବାକୁ ସକ୍ଷମ ହୋଇଥିଲେ ଫଳରେ ବରପଦର୍ ଚାମ୍ପିଆନ ହୋଇଥିଲା । ଲଳିତ ସାହୁ ବେଟିଂ ବିଭାଗରେ ଓ ଅଭିଷେକ ମହାକୁର ବୋଲିଂ ବିଭାଗରେ ଶ୍ରେଷ୍ଠ ପ୍ରଦର୍ଶନ କରି ପୁରସ୍କୃତ ହୋଇଥିବା ବେଳେ ସୁଶାନ୍ତ ଦାସ୍ ମେନ ଅଫ ଦି ମ୍ୟାଚ ହୋଇଥିଲେ ।