ବୌଦ୍ଧ,୧୭/୧୦ – ବଲାଙ୍ଗୀର ଜିଲ୍ଲା ଗୁଡଭେଲା ଗାଆଁର ରାମତାର୍ ଅଗ୍ରୱାଲଙ୍କ ଦୁଇ ଝିଅ ଗତ ଗୁରୁବାର ଦିନ ତୁଷରା ନିକଟ ତେଲନଦୀ ପୋଲ ଉପରୁ ଡେଇଁ ପଡିଥିବା ଖବର୍ ରାଜ୍ୟରେ ଚହଳ ପଡିଥିବା ବେଳେ ଆଜି ଦିନ ପ୍ରାୟ ୧୨ ଘଣ୍ଟା ସମୟରେ ଅନମୋଲ୍ ଅଗ୍ରୱାଲ (୨୫ )ଙ୍କ ଶବକୁ ମହାନଦୀର ସୁବର୍ଣ୍ଣପୁର୍ ଘାଟରୁ ବୌଦ୍ଧଜିଲ୍ଲା ବାଉଁଶୁଣି ଦମକଳ ବାହିନୀ ଉଦ୍ଧାର କରିଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଆଜି ସକାଳେ ଜଣେ ଯୁବତୀଙ୍କ ଶବ ମହାନଦୀର ବାଉଁଶୁଣି ନିକଟରେ ଭାସିଯାଉଥିବା ସ୍ଥାନୀୟଲୋକେ ଦେଖିବାକୁ ପାଇଥିଲେ । ଏ ସମ୍ପର୍କରେ ବାଉଁଶୁଣି ଦମକଳ ବାହିନୀ ସୂଚନା ପାଇବା ପରେ ତଳମୁଣ୍ଡରେ ଶବ ଉଦ୍ଧାର ପାଇଁ ଜଗି ରହିଥିଲେ ଓ ତେଲିବନ୍ଧ ଗ୍ରାମ ପଂଚାୟତର ସୁବର୍ଣ୍ଣପୁର୍ ମହାନଦୀ ଘାଟ ନିକଟରେ ଭାସି ଯାଉଥିବା ସମୟରେ ଉଦ୍ଧାର କରିଥିଲେ । ସେହିପରି ଗତକାଲି ରାତିରେ ଅନ୍ୟ ଭଉଣୀ ଆଞ୍ଚଲ ଅଗ୍ରୱାଲ (୨୨ )ଙ୍କ ଶବକୁ ତରଭା ଦମକଳ ବାହିନୀ ତେଲନଦୀରୁ ଉଦ୍ଧାର କରିଥିଲେ ।