ବୌଦ୍ଧ,୧୪/୧୨ – ଆଜି ଭୋର ପ୍ରାୟ ୫ ଘଣ୍ଟା ସମୟରେ ବୌଦ୍ଧବ୍ଲକ୍ ବହିରା ଗ୍ରାମ ପଞ୍ଚାୟତର ପୁରୁଣା ବହିରା ଗ୍ରାମରେ ଏକ ଅଘଟଣ ଘଟିଯାଇଛି । ଖଳାରେ ଟ୍ରାକ୍ଟର ଧାନ ଅମଳ କରୁଥିବାବେଳେ ଖଳାରେ ଶୋଇଥିବା ଜଣେ ଚାଷୀଙ୍କ ଉପରେ ଭାରସାମ୍ୟ ହରାଇ ମାଡିଯିବା ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଯାଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ପୁରୁଣା ବହିରା ଗ୍ରାମର ଚାଷୀ ପଦ୍ମ ସାହୁ (୩୭) ଟ୍ରାକ୍ଟର ଓଡି ୨୭ ବି ୭୭୦୫ ଦ୍ୱାରା ଧାନ ଅମଳ କରାଉଥିବାବେଳେ ଖଳାରେ ବିଶ୍ରାମ ନେଇଥିଲେ । ଆଜି ଭୋର ପ୍ରାୟ ୫ ଘଣ୍ଟା ସମୟରେ ଟ୍ରାକ୍ଟର ଭାରସାମ୍ୟ ହରାଇ ତାଙ୍କ ଉପରେ ମାଡିଯିବା ଫଳରେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି । ଘଟଣାସ୍ଥଳରେ ବାଉଁଶୁଣୀ ପୋଲିସ୍ ପହଂଚି ଶବକୁ ଜବତ କରି ପୋଷ୍ଟମଟମ ପାଇଁ ବୌଦ୍ଧ ପଠାଇଛି ।