ବୌଦ୍ଧ,୪/୩ – ଏକାଧିକ ଅପରାଧ ମାମଲାର ଅପରାଧିଙ୍କୁ ଧରିବାରେ ବିଫଳ ହୋଇଥିବା ମନମୁଣ୍ଡା ପୋଲିସ୍ ମଙ୍ଗଳବାର ରାତିରେ ୫ ଡକାୟତଙ୍କୁ ଡକାୟତି ପାଇଁ ସଜବାଜ ହେଉଥିବା ବେଳେ ଗିରଫ କରିଥିବା ଜଣା ପଡିଛି । ମିଳିଥିବା ସୂଚନା ଅନୁଯାୟୀ ମନମୁଣ୍ଡା ପୋଲିସ୍ ମଙ୍ଗଳବାର ରାତିରେ ପେଟ୍ରୋଲିଂ କରୁଥିବା ସମୟରେ ମନମୁଣ୍ଡା ବାଇପାସ୍ରାସ୍ତାର ନୁର୍ପା ଛକ ନିକଟରେ ୫ ଜଣ ସନ୍ଦିଗ୍ଧ ଯୁବକଙ୍କୁ ଦେଖି ଥାନାକୁ ଆଣିଥିଲା । ପଚରା ଉଚୁରା ପରେ ସେମାନେ ଡକାୟତି ପାଇଁ ସଜବାଜ ହେଉଥିବା ସ୍ୱୀକାର କରିଥିଲେ ବୋଲି ମନମୁଣ୍ଡା ପୋଲିସ୍ ପ୍ରକାଶ କରିଛି । ଗିରଫ ଯୁବକମାନେ ହେଲେ ସୋନପୁର ସହର ଆମ୍ବେଦକରପଡାର ପ୍ରୀତମ୍ ବେହେରା, ରାହୁଳ କୁମ୍ଭାର, ମୁରାରୀ ପ୍ରସାଦ ଓରଫ ସିକୁମ୍ ବେହେରା, ପ୍ରକାଶ ମହାନନ୍ଦ ଓ ଶୁଭଙ୍କର ତ୍ରିପାଠୀ । ମନମୁଣ୍ଡା ଥାନା କେସ ନମ୍ବର୍ ୨୩/୨୦୨୧ରେ ଏକ ମାମଲା ରୁଜୁକରି ବୁଧବାର ସମସ୍ତ ୫ ଜଣଙ୍କୁ କୋର୍ଟଚାଲାଣ କରିଥିବା ମନମୁଣ୍ଡା ଥାନା ଅଧିକାରୀ ଗୋପୀନାଥ ପ୍ରଧାନ ସୂଚନା ଦେଇଛନ୍ତି ।