ବୌଦ୍ଧ,୧୮/୧ – ଆଜି ସକାଳ ପ୍ରାୟ ୯ ଘଣ୍ଟା ସମୟରେ ଜାତୀୟ ରାଜପଥ ନମ୍ବର ୫୭ର ଚମ୍ପାପୁର ଛକ ନିକଟରେ ଏକ ସଡକ ଦୁର୍ଘଟଣା ଘଟି ବାଇକ ଆରୋହୀ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଆଜି ସକାଳ ୯ ଘଣ୍ଟା ସମୟରେ ଜଣେ କୋରିଅର ବଏ ଏକ ବାଇକ ଓ. ଆର ୧୯ ଜି ୪୬୧୮ ଯୋଗେ ବୌଦ୍ଧପଟରୁ ପୁରୁଣାକଟକ ଆଡକୁ ଯାଉଥିବାବେଳେ ଚମ୍ପାପୁର ଛକ ନିକଟରେ ରାସ୍ତା କଡରେ ପୁର୍ବରୁ ଛିଡା ହୋଇଥିବା ଗୋଟିଏ ଟ୍ରକ ପଛରେ ଧକ୍କା ଦେଇଥିଲା । ଫଳରେ ବାଇକ ଆରୋହୀ ଗୁରୁତର ଆହତ ହୋଇଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଡାକ୍ତରଖାନା ପଠାଇଥିଲେ ।