ବୌଦ୍ଧ,୧୧/୮: – ବୌଦ୍ଧରେ ସୁନାମ ଅର୍ଜନ କରି ଅବସର ଗ୍ରହଣ କରିଥିବା ସରକାରୀ ବାଳିକା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ନିରୁପମା ପଟ୍ଟନାୟକଙ୍କ ଗତ ରାତିରେ ଭୁବନେଶ୍ୱର ବାସଭବନରେ ପରଲୋକ ହୋଇଯାଇଛି । ବୌଦ୍ଧରେ ଆଜି ଖବର ପ୍ରଚାର ହେବାପରେ ତାଙ୍କର ସହକର୍ମୀ, ଛାତ୍ରୀ ଓ ବୁଦ୍ଧିଜୀବୀ ମହଲରେ ଶୋକର ଛାୟା ଖେଳିଯାଇଛି । ସେ ବାଳିକା ବିଦ୍ୟାଳୟରେ ଦୀର୍ଘ ବର୍ଷ ପ୍ରଧାନ ଶିକ୍ଷୟିତ୍ରୀ କାର୍ଯ୍ୟ ସୁଚାରୁରୂପେ କରି ୧୯୯୬ ମସିହାରେ ଅବସର ଗ୍ରହଣ କରିଥିଲେ । ତାଙ୍କର ମୃତ୍ୟୁ ବେଳକୁ ୮୫ ବର୍ଷ ହୋଇଥିଲା । ମୃତ୍ୟୁ ଶଯ୍ୟା ନିକଟରେ ତାଙ୍କର ସମ୍ପର୍କୀୟମାନେ ଉପସ୍ଥିତ ରହିଥଲେ । ତାଙ୍କର ମୃତ୍ୟୁ ଖବର ପାଇ ତାଙ୍କ ସହିତ ଦୀର୍ଘଦିନ ଧରି କାର୍ଯ୍ୟ କରିଥିବା ଏବଂ ପରବର୍ତ୍ତୀ ସମୟରେ ପ୍ରଧାନ ଶିକ୍ଷୟିତ୍ରୀ ଭାବେ ଦାୟିତ୍ୱ ଗ୍ରହଣ କରିଥିବା ପ୍ରଭାତୀ ଦେଇ, ଉର୍ମିଳା ସାହୁ , ପ୍ରମିଳା ପଟ୍ଟନାୟକ, ସୀତା ପଟ୍ଟନାୟକ, ବୀଣାପାଣି ମହାପାତ୍ର, ପ୍ରମିଳା ବେହେରା, ସ୍ନେହଲତା ପୁରୋହିତ ତାଙ୍କର ଆତ୍ମାର ସତଗତି କାମନା କରି ଶୋକ ପ୍ରକାଶ କରିଛନ୍ତି । ଆସନ୍ତା ରବିବାର ଦିନ ସରକାରୀ ବାଳିକା ଉଚ୍ଚ ବିଦ୍ୟାଳୟରେ ଅପରାହ୍ନ ୩ ଘଣ୍ଟା ସମୟରେ ଏକ ଶୋକ ଶୋଭା ଆୟୋଜନ କରିବାର କାର୍ଯ୍ୟକ୍ରମ ରହିଛି ।