ବୌଦ୍ଧ,୨୮/୮ – ଆଜି ବୌଦ୍ଧ ଜିଲ୍ଲାରେ ନୂତନ ୧୪ ଜଣ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଅଛି । ଆଜି ବୌଦ୍ଧଜିଲ୍ଲାରୁ ଚିହ୍ନଟ ହୋଇଥିବା ସମସ୍ତ ୧୪ ପଜିଟିଭ ମଧ୍ୟରୁ କୁଶଙ୍ଗ ଗ୍ରାମର ଜଣେ, ଶିଆଳଝୁଲି ଗ୍ରାମର ଜଣେ, ବଲାସିଙ୍ଗାରୁ ୩ ଜଣ, ଜହ୍ନାପଙ୍କ ଗ୍ରାମର ୪ ଜଣ ଓ ବଉଦ ସହର ଅଂଚଳର ୫ ଜଣ ବ୍ୟକ୍ତି ବୋଲି ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ଆଜି ଘୋଷିତ ହୋଇନଥିବା ଅନ୍ୟ ୧୪ ଗୋଟି ପଜିଟିଭ ମଧ୍ୟ ଚିହ୍ନଟ ହୋଇଥିବା ଜଣାପଡିଛି । ସରକାରୀ ଭାବେ ଘୋଷିତ ହୋଇନଥିବା ପଜିଟିଭ ହେଲେ ବୌଦ୍ଧଜିଲ୍ଲା କଣ୍ଟାମାଳ ବ୍ଲକ୍ ଘଣ୍ଟାପଡା ଗ୍ରାମ ପଂଚାୟତ ଘଣ୍ଟାପଡା ଗ୍ରାମର ୪ ଜଣ ଓ ସେହିବ୍ଲକ୍ ପଲସାଗୋରା ଗ୍ରାମ ପଂଚାୟତ ବଘିଆବାହାଲ୍ ଗ୍ରାମର ୧୦ ଜଣ ବ୍ୟକ୍ତି ବୋଲି ସୂଚନା ମିଳିଛି । ଆଜିର ଘୋଷିତ ୧୪ ପଜିଟିଭକୁ ମିଶାଇ ଜିଲ୍ଲାରେ କରୋନା ପଜିଟିଭ ସଂଖ୍ୟା ୫୬୨ରେ ପହଞ୍ଚିଛି ।