ବୌଦ୍ଧ,୧୫/୭- ଆଜି ବୌଦ୍ଧ ସହର ବାପୁଜୀନଗର ସ୍ଥିତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ କ୍ଲିନ୍ ଭିଲେଜ ଗ୍ରୀନ ଭିଲେଜ ଅଭିଯାନ ଆରମ୍ଭ ହୋଇଛି । ନେହେରୁ ଯୁବ କେନ୍ଦ୍ର ବୌଦ୍ଧ ଶାଖା ପକ୍ଷରୁ ଜାତୀୟ ଯୁବ ସ୍ୱେଛାସେବୀ ଦେବାର୍ଚ୍ଚନ୍ ମେହେରଙ୍କ ପ୍ରତ୍ୟକ୍ଷ ତତ୍ୱାବଧାନରେ ଚାରାରୋପଣ ହୋଇଥିଲା । ବାପୁଜନଗରସ୍ଥିତ ବାପୁଜୀ କ୍ଲବର ସଭ୍ୟମାନେ ବାପୁଜୀନଗର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଏବଂ ଗ୍ରାମର ବିଭିନ୍ନ ସ୍ଥାନରେ ଚାରାରୋପଣ କରିଥିଲେ । ଏହି ବିଦ୍ୟାଳୟର ପ୍ରଧାନ ଶିକ୍ଷକ ବିଭୂତି ଶଙ୍କର ପାଢ଼ୀ ଏବଂ ଅନ୍ୟ ଦୁଇ ଶିକ୍ଷକ କମ୍ଭୁ ପ୍ରସାଦ ପ୍ରଧାନ ଓ ମାନଭଞ୍ଜନ ପ୍ରଧାନ ଚାରାରୋପଣ ଅଭିଯାନରେ ଯୋଗ ଦେଇଥିଲେ । ବାପୁଜୀ କ୍ଲବର ସଭ୍ୟ ଶ୍ୟାମ ମିର୍ଦ୍ଧା, ଅରୁଣ ମେହେର, ସୁନା ମେହେର, ରାଜେଶ ମହାନନ୍ଦ, ପିଙ୍କୁ ହାତୀ ପ୍ରମୁଖ ଚାରା ରୋପଣ ଅଭିଯାନରେ ସାମିଲ ହୋଇଥିଲେ ।