ବୌଦ୍ଧ,୧୪/୮- ବରିଷ୍ଠ ଓଏଏସ (ଏସ.ଏ.ଜି) ସତ୍ୟରଞ୍ଜନ ସାହୁ ବୌଦ୍ଧ ଜିଲ୍ଲାପାଳ ଭାବେ ନିଯୁକ୍ତ ହେବାପରେ ଆଜି କାର୍ଯ୍ୟରେ ଯୋଗ ଦେଇଛନ୍ତି । ଆଜି ସକାଳୁ ଭୁବନେଶ୍ୱରରୁ ବାହାରି ଅପରାହ୍ନ ୫ଟାରେ ବୌଦ୍ଧରେ ପହଞ୍ଚିବା ପରେ ବୌଦ୍ଧର ବିଭିନ୍ନ ଅଧିକାରୀମାନେ ତାଙ୍କୁ ସ୍ୱାଗତ କରିଥିଲେ । ଜିଲ୍ଲା କାର୍ଯ୍ୟାଳୟ ଠାରେ ଜିଲ୍ଲାସ୍ତରୀୟ ଅଧିକାରୀ ଓ ବିଭିନ୍ନ କର୍ମଚାରୀଙ୍କ ସହ ପରିଚିତ ହୋଇଥିଲେ ।
ଏହାପରେ ବୌଦ୍ଧଜିଲ୍ଲାରେ ସୃଷ୍ଟି ହୋଇଥିବା ବନ୍ୟା ପରିସ୍ଥିତି ସଂପର୍କରେ ଖବର ନେବାସହ ତ୍ୱରିତ ପଦକ୍ଷେପ ନେବାପାଇଁ ବିଭିନ୍ନ ବିଭାଗ ମାନଙ୍କୁ ନିର୍ଦ୍ଦେଶ ଦେଇଥିବା ଜଣାପଡିଛି । ନୂତନ ଜିଲ୍ଲାପାଳ ଶ୍ରୀ ସାହୁ ଏହା ପୂର୍ବରୁ ମାଧ୍ୟମିକ ଶିକ୍ଷା ନିର୍ଦ୍ଦେଶକ ଭାବେ କାର୍ଯ୍ୟ କରୁଥିଲେ । ସୂଚନାଯୋଗ୍ୟ ଯେ ଗତ ଜୁଲାଇ ୩୧ ତାରିଖରେ ପୂର୍ବତନ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଅବସର ଗ୍ରହଣ କରିଥିବାବେଳେ ଆଜିପର୍ଯ୍ୟନ୍ତ ଦୀର୍ଘ ୧୩ଦିନ ଧରି ଜିଲ୍ଲାପାଳ ପଦବୀ ଖାଲି ପଡିଥିଲା ।