ବୌଦ୍ଧ/ହରଭଙ୍ଗା୧୨/୫- ସିପିଆଇର ବରିଷ୍ଠ ନେତା ହରଭଙ୍ଗା ଶାଖା କମିଟି ସଦସ୍ୟ, ଚାରିଛକରେ ଜେଏମଏଫସି କୋର୍ଟ ସ୍ଥାପନ, ବୌଦ୍ଧରେ କୃଷିବିଶ୍ୱବିଦ୍ୟାଳୟ ମେଡିକାଲ କଲେଜ ସ୍ଥାପନ , ନଦୀସଂଯୋଗୀକରଣ ଆଳରେ ପ୍ରସ୍ତାବିତ ମଣିଭଦ୍ରାପ୍ରକଳ୍ପ ବିରୋଧି ଆନ୍ଦୋଳନ ପ୍ରଭୃତି ଅନେକ ଲଢେଇର ନାୟକ ସାଥି ପ୍ରଦୀପ ଠାକୁରଙ୍କର ଆଜି ପରଲୋକ ଘଟିଛି । ସକାଳୁ ସାମାନ୍ୟ ଅସୁସ୍ଥତା ଅନୁଭବ କରିବା ପରେ ନିଜ ଜନ୍ମଭୂମି ହରଭଙ୍ଗା ପଞ୍ଚାୟତ ଡିଁଆଘାଟରୁ ପ୍ରଥମେ ହରଭଙ୍ଗା ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରକୁ ଘର ଲୋକ ଆଣିଥିଲେ । ତତପରେ ହରଭଙ୍ଗା ସ୍ୱାସ୍ଥ୍ୟକେନ୍ଦ୍ରରୁ ବୌଦ୍ଧ ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତରିତ କରାଯାଇଥିଲା । ବୌଦ୍ଧଜିଲ୍ଲା ମୁଖ୍ୟଚିକିତ୍ସାଳୟରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଥିଲେ । ତାଙ୍କ ମୃତ୍ୟୁଖବର ପାଇ ସିପିଆଇ ଜିଲ୍ଲା ସହସମ୍ପାଦକ ଜୟନ୍ତ ଦେହୁରୀ, ୦୯ନଂଜୋନ ଜିଲ୍ଲାପରିଷଦ ସଭ୍ୟ ଅବକାଶ ସାହୁ ପ୍ରମୁଖ ଯାଇ ଶେଷଦର୍ଶନ କରିବା ସହ ଶୋକସନ୍ତପ୍ତ ପରିବାରକୁ ସମବେଦନା ଯଣାଇଥିଲେ । ତାଙ୍କ ବିୟୋଗରେ ସିପିଆଇ ଜିଲ୍ଲା ସମ୍ପାଦକ ପ୍ରଦୀପ ମହାକୁଡ ଏଆଇୱାଇଏଫ ଜିଲ୍ଲାସଭାପତି ସୁଧାଂଶୁ ପ୍ରଧାନ ସମ୍ପାଦକ ପ୍ରଦୀପ ବେହେରା ପ୍ରକାଶ ବେହେରା ଶ୍ରମିକ ନେତା ସୁବଳ ଦୀପ ପ୍ରଦୀପ ସାହୁ ଗୋପାଳ ନାୟକ ପ୍ରମୁଖ ଗଭୀର ଶୋକପ୍ରକାଶ କରିଛନ୍ତି ।