ବୌଦ୍ଧ,୨୯/୧୦ – ବୌଦ୍ଧ ବ୍ଲକ୍ ଗୋଛାପଡା ଗ୍ରାମ ପଂଚାୟତ ବରାହପଥର ଗ୍ରାମରେ ଥିବା ନଳକୂପ ଦୀର୍ଘ ୭ ମାସ ଧରି ଖରାପ ହୋଇ ପଡିଥିବାରୁ ଗ୍ରାମବାସୀ ନାହିଁନଥିବା ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି । ମିଳିଥିବା ସୂଚନା ଅନୁଯାୟୀ ପ୍ରାୟ ୫ ବର୍ଷ ତଳେ ବରାହପଥର ଗ୍ରାମରେ ଉକ୍ତ ନଳକୂପ ଗ୍ରାମ୍ୟ ପାନୀୟ ଜଳ ଯୋଗାଣ ଓ ପରିମଳ ବିଭାଗ ପକ୍ଷରୁ ଖନନ କରାଯାଇଥିଲା । ଗ୍ରାମବାସୀ ଉକ୍ତ ନଳକୂପ ଉପରେ ନିର୍ଭର କରିଥାନ୍ତି । ଦୀର୍ଘ ୭ ମାସ ଧରି ନଳକୂଅ ଖରାପ ହୋଇ ପଡିଥିବାରୁ ଲୋକେ ପାଣିପାଇଁ ହଇରାଣ ହେଉଛନ୍ତି । ତୁରନ୍ତ ନଳକୂଅ ମରାମତି ଦିଗରେ ପଞ୍ଚାୟତିରାଜ୍ ଓ ପାନୀୟ ଜଳଯୋଗାଣ ବିଭାଗ ଦୃଷ୍ଟି ଦେବାକୁ ଗ୍ରାମବାସୀ ଦାବୀ କରିଛନ୍ତି ।