ବୌଦ୍ଧ,୪/୩ – ମନମୁଣ୍ଡା – ଶଗଡା ରାସ୍ତାର ଗୁଡଭେଲିପଦର ଦଳିତ ସାହି ନିକଟରେ ଗୋଟିଏ ସାଇକେଲକୁ ବାଇକ ଧକ୍କା ଦେବା ଫଳରେ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଗତକାଲି ଅପରାହ୍ନରେ ଗୁଡଭେଲିପଦର ଗ୍ରାମର ନଟବର ନାଏକ ସାଇକେଲ ଯୋଗେ ମନମୁଣ୍ଡା ଆଡକୁ ଆସୁଥିବାବେଳେ ବିଳାସପୁର୍ ଗ୍ରାମ୍ ପଂଚାୟତ ତାଲପଡା ଗ୍ରାମର ଗୋପୀ ମହାକୁଡ଼ ବିପରୀତ ଦିଗରୁ ବାଇକ ଓଡି ୧୨ ସି ୪୦୬୩ ଯୋଗେ ଆସୁଥିଲେ । ଗୁଡଭେଲିପଦର୍ ଦଳିତସାହି ନିକଟରେ ବାଇକ ଓ ସାଇକେଲ ମଧ୍ୟରେ ମୁହାମୁହିଁ ଧକ୍କା ହୋଇଥିଲା । ଫଳରେ ସାଇକେଲ ଆରୋହୀ ନଟବର ଗୁରୁତର ଆହତ ହୋଇଥିଲେ । ସ୍ଥାନୀୟ ଲୋକେ ୧୦୮ ଆମ୍ବୁଲାନସ୍ ଯୋଗେ ଆହତଙ୍କୁ ସୋନପୁର ଡାକ୍ତରଖାନା ପଠାଇଥିଲେ । ବାଇକ ଆରୋହୀ ମଧ୍ୟ ସାମାନ୍ୟ ଆହତ ହୋଇଥିବା ଜଣାପଡିଛି । ମନମୁଣ୍ଡା ପୋଲିସ୍ ଘଟଣା ସ୍ଥଳରେ ପହଂଚି ତଦନ୍ତ କରୁଥିବା ସୁଚନା ମିଳିଛି ।