ବୌଦ୍ଧ,୧୪/୨ – ଆସନ୍ତା ଫେବ୍ରୁଆରୀ ୧୯ ତାରିଖ ଠାରୁ ୨୧ ତାରିଖ ପର୍ଯ୍ୟନ୍ତ କଟକ ବାରବାଟୀ ଷ୍ଟାଡିଅମରେ ଓଡିଶା ଆର୍ଚେରୀ ଆସୋସିଏସନ ଆନୁକୁଲ୍ୟରେ ହେବାକୁ ଥିବା ରାଜ୍ୟସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିବେ ବୌଦ୍ଧ ଜିଲ୍ଲାର ଛାତ୍ରଛାତ୍ରୀ । ସେଥିପାଇଁ ଜିଲ୍ଲା ତୀରନ୍ଦାଜ ସଂଘର ପ୍ରତିଷ୍ଠାତା ତଥା ପ୍ରଶିକ୍ଷକ କୃଷ୍ଣଚନ୍ଦ୍ର ସେଠୀ ପିଲାମାନଙ୍କ ଅଭ୍ୟାସ ଜାରିରଖିଛନ୍ତି । ରାଜ୍ୟସ୍ତରୀୟ ପ୍ରତିଯୋଗିତାରେ ବୌଦ୍ଧ ଜିଲ୍ଲାର ତୀରନ୍ଦାଜ ମାନେ କିଭଳି ସଫଳତା ହାସଲ କରି ବୌଦ୍ଧ ପାଇଁ ଗୌରବ ଆଣି ପାରିବେ ସେଥିପାଇଁ ଚାଲିଛି ଜୋରଦାର୍ ଅଭ୍ୟାସ । ସହର ଉପକଣ୍ଠ ମାଉଲିସିଙ୍ଗା ଠାରେ ସକାଳୁ ସଞ୍ଜ ଯାଏଁ ପର୍ଯ୍ୟାୟ କ୍ରମେ ଦିଆ ଯାଉଛି ତୀରନ୍ଦାଜୀ ଶିକ୍ଷା । ବିଗତ ବର୍ଷ ମାନଙ୍କରେ ମଧ୍ୟ ବୌଦ୍ଧର ଛାତ୍ରଛାତ୍ରୀମାନେ ରାଜ୍ୟସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରି ତୀରନ୍ଦାଜୀର ବିଭିନ୍ନ ବିଭାଗରେ ଉତ୍କର୍ଷତା ପ୍ରତିପାଦନ କରି ପାରିଥିଲେ । ଆସନ୍ତା ରାଜ୍ୟସ୍ତରୀୟ ପ୍ରତିଯୋଗିତାରେ ମଧ୍ୟ ବୌଦ୍ଧଜିଲ୍ଲାର ତୀରନ୍ଦାଜମାନେ ସଫଳତା ହାସଲ କରିବେ ବୋଲି ପ୍ରଶିକ୍ଷକ କୃଷ୍ଣଚନ୍ଦ୍ର ସେଠୀ ଆଶାବ୍ୟକ୍ତ କରିଛନ୍ତି ।