ବୌଦ୍ଧ,୧୭/୫ – ଗ୍ରୀଷ୍ମକାଳରେ ପକ୍ଷୀ ମାନେ ପିଇବା ପାଣି ପାଇଁ ଡହଳ ବିକଳ ହେଉଥିବା ବେଳେ ଗର୍ଜନ ସେନା ତରଫରୁ ‘ପଶୁ ପକ୍ଷୀ ମାନଙ୍କ ପାଇଁ କିଛି ସେବା କରିବା’ ଭଳି ଅଭିନବ ଅଭିଯାନ ଆରମ୍ଭ କରାଯାଇଥିବା ଜଣା ପଡିଛି । ବୌଦ୍ଧଜିଲ୍ଲା ବିକାଶ ଗର୍ଜନ ସେନା ତରଫରୁ ପକ୍ଷୀମାନଙ୍କ ପାଇଁ ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନ ଯଥା ହାଟଗାଁ, ବିରାମଚନ୍ଦ୍ରପୁର, ବାମଣ୍ଡା, ସରସରା, ନୁଆପଡା ଆଦି ଗ୍ରାମ ମାନଙ୍କରେ ପକ୍ଷୀମାନଙ୍କ ପାଇଁ ପାଣି ପାତ୍ର ବ୍ୟବସ୍ଥା କରିବା ସହ କର୍ମକର୍ତ୍ତା ମାନେ ପିଇବା ପାଣି ବ୍ୟବସ୍ଥା କରୁଛନ୍ତି । ବୁଲା ଗାଈ ଗୋରୁ ତଥା ପଶୁ ଜନ୍ତୁ ମାନଙ୍କର ପିଇବା ପାଣି ପାଇଁ ନଳକୂପ ପରିତ୍ୟକ୍ତ ପାଣିକୁ ଗର୍ତ୍ତକରି ସରଂକ୍ଷିତ ରଖାଯାଉଛି । ଜନ ସାଧାରଣଙ୍କୁ “ପଶୁ ପକ୍ଷୀଙ୍କ ପାଇଁ କିଛି ସେବା କରିବା’ ଅଭିଯାନ ବିଷୟରେ ସଚେତନ କରାଯାଉଛି । କାର୍ଯ୍ୟକ୍ରମରେ ଗର୍ଜନ ସେନାର ବାଲ୍ମିକୀ ମହାକୁଡ଼, ବ୍ରଜ ମହାକୁଡ଼, ସୋନି ଭୋକ୍ତା, ଦେବାଶିଷ ପ୍ରଧାନ, ସିଲୁ ମହାକୁଡ଼, ଶ୍ରୀକାନ୍ତ ଭାଇ ପ୍ରମୁଖ କାର୍ଯ୍ୟକର୍ତ୍ତା ନେତୃତ୍ୱ ନେଉଥିବା ଜଣାପଡିଛି ।