ବୌଦ୍ଧ, ୧୪/୧୨- ବୌଦ୍ଧଜିଲ୍ଲା କଣ୍ଟାମାଳ ବ୍ଲକ ଲମ୍ବସରୀ ଗ୍ରାମ ପଞ୍ଚାୟତ ଗଇରକନା ଗ୍ରାମରେ ଥିବା ଏକ ମାତ୍ର ନଳକୂପ ଅଚଳ ହୋଇପଡିଥିବା ଯୋଗୁଁ ଗ୍ରାମବାସୀ ପାଣି ଟିକିଏ ପାଇଁ ନାହିଁନଥିବା ଅସୁବିଧା ଭୋଗ କରୁଥିବା ଅଭିଯୋଗ ହୋଇଛି । ମିଳିଥିବା ସୂଚନା ଅନୁଯାୟୀ ଆଜକୁ ପ୍ରାୟ ଦେଢ ମାସ ହେବ ନଳକୂପରୁ ପାଣି ବାହାରୁ ନାହିଁ । ଆଖପାଖରେ କୌଣସି ଜଳ ଉତ୍ସ ନଥିବାହେତୁ ଲୋକେ ସମସ୍ୟାରେ ପଡିଛନ୍ତି । ପ୍ରାୟ ୩ କିଲୋମିଟର ଦୂରରେ ଗାଆଁ ଗଣ୍ଡା ନାହିଁ ସେଥିପାଇଁ ଲୋକମାନଙ୍କୁ ବହୁତ୍ ପରିଶ୍ରମ କରିବାକୁ ପଡୁଛି । ବାରମ୍ବାର ଅଭିଯୋଗ ସତ୍ତେ୍ୱ ସ୍ଥାନୀୟ ପଂଚାୟତ କର୍ତ୍ତୃପକ୍ଷ କିମ୍ବା ବ୍ଲକ୍ ପ୍ରଶାସନ କୌଣସି ପଦକ୍ଷେପ ନେଉନଥିବା ଗ୍ରାମବାସୀ ଅଭିଯୋଗ କରିଛନ୍ତି । ଲୋକଙ୍କୁ ଜଳ ସଙ୍କଟରୁ ଉଦ୍ଧାର କରିବା ପାଇଁ ଲୋକେ ଦାବୀ କରିଛନ୍ତି ।