ବୌଦ୍ଧ,୬/୯ – ଆଜି ବୌଦ୍ଧ ଜିଲ୍ଲାରେ ନୂତନ ଭାବେ ୨୯ ଜଣ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଅଛି । ଆଜି ଚିହ୍ନଟ ଆକ୍ରାନ୍ତ ମାନଙ୍କ ମଧ୍ୟରେ ବୌଦ୍ଧ ସହରାଞ୍ଚଳ ମଧ୍ୟରୁ ୧୫ ଜଣ, ହରଭଙ୍ଗା ବ୍ଲକ୍ ମଥୁରା ଗ୍ରାମ ପଂଚାୟତର ଚମ୍ପାପୁର୍ ଗ୍ରାମରୁ ୨ ଜଣ, କରଞ୍ଜକଟା, ଆଡେଣିିଗଡ ଗ୍ରାମରୁ ଜଣେ ଲେଖାଏଁ, ବଲାସିଙ୍ଗାର ପଞ୍ଚମ ଆଈ.ଆର.ବି. ବାଟାଲିୟନରୁ ୩ ଜଣ, କଣ୍ଟାମାଳ ବ୍ଲକ୍ ମନମୁଣ୍ଡା ଗ୍ରାମ ପଂଚାୟତର ନୁର୍ପା ଗ୍ରାମରୁ ୧ ଜଣ, ସୁବର୍ଣ୍ଣପାଲି ଗ୍ରାମରୁ ୧ ଜଣ, ମନମୁଣ୍ଡାରୁ ୧ ଜଣ, କଣ୍ଟାମାଳ ଭାରତୀୟ ଷ୍ଟେଟ୍ ବ୍ୟାଙ୍କର ୧ ଜଣ ଓ ବୌଦ୍ଧବ୍ଲକ୍ ମୁଣ୍ଡାପଡା ଗ୍ରାମ ପଂଚାୟତର ପ୍ରଭାସିନୀ ନଗରରୁ ୧ ଜଣ ହୋଇଥିବା ବେଳେ ଜିଲ୍ଲା ବାହାରେ ଜିଲ୍ଲାର ଦୁଇ ଜଣ ବ୍ୟକ୍ତି ନମୁନା ପରୀକ୍ଷା କରାଇ ପଜିଟିଭ ଚିନ୍ହଟ ହୋଇଥିବା ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ଆଜିର ପଜିଟିଭକୁ ମିଶାଇ ଜିଲ୍ଲାରେ ଆଜି ପର୍ଯ୍ୟନ୍ତ ୮୨୧ ଜଣ କରୋନା ପଜିଟିଭ ଚିହ୍ନଟ ହୋଇଥିବା ଜଣାପଡିଛି । ଶନିବାର ସୁଦ୍ଧା ଜିଲ୍ଲାକୁ ଆସିଥିବା ପ୍ରବାସୀଙ୍କ ସଂଖ୍ୟା ୪୪୯୪ । ରିପୋର୍ଟ ଅପେକ୍ଷାରେ ୮୭୧ଜଣଙ୍କ ନମୁନା ରହିଥିବାବେଳେ ଏପର୍ଯ୍ୟନ୍ତ ସୁସ୍ଥ ହୋଇଛନ୍ତି ୫୪୯ ।