ବୌଦ୍ଧ,୬/୧୧ – ଆଜି ବୌଦ୍ଧ ଜିଲ୍ଲାରେ ପୁଣି ୧୬ ଜଣ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି । ପୂର୍ବରୁ ୨୬୧୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଜିର ୧୬ ଜଣ ଆକ୍ରାନ୍ତଙ୍କୁ ମିଶାଇ ଜିଲ୍ଲାରେ ଆଜିସୁଦ୍ଧା ମୋଟ ୨୬୩୦ ଜଣ କରୋନା ପଜିଟିଭ ଚିହ୍ନଟ ହୋଇଥିବା ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ବିରଞ୍ଚି ଧରୁଆ ଗଣମାଧ୍ୟମ ପ୍ରତିନିଧି ମାନଙ୍କୁ ସୂଚନା ଦେଇଛନ୍ତି । ଜିଲ୍ଲାରେ ୨୪୮୩ ଜଣ କରୋନା ପଜିଟିଭ ସୁସ୍ଥ ହୋଇ ସାରିଥିବା ବେଳେ ୧୩୮ ଜଣ ଚିକିତ୍ସାଧୀନ ଅଛନ୍ତି । ସେହିପରି ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନଙ୍କ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଆଜି ୧୬ ଆକ୍ରାନ୍ତଙ୍କ ମଧ୍ୟରେ ବୌଦ୍ଧ ସହରାଞ୍ଚଳ ମଧ୍ୟରୁ ୪ ଜଣ, ବୌଦ୍ଧ ବ୍ଲକ୍ ଟୁନିଖମାର୍ ଗ୍ରାମରୁ ୧ ଜଣ, ନାରାୟଣ ନଗର ଗ୍ରାମରୁ ୧ ଜଣ, ଗମ୍ଭାରୀ ପଦରରୁ ୧ ଜଣ, ଝାରମୁଣ୍ଡା ଗ୍ରାମରୁ ୧ ଜଣ, କଣ୍ଟାମାଳ ବ୍ଲକ୍ ଭୁର୍କୀପଡା ଗ୍ରାମରୁ ୧ ଜଣ, ଗରିଆପାଲି ଗ୍ରାମରୁ ୧ ଜଣ, ଶୁଣ୍ଢିପଦର ଗ୍ରାମରୁ ୧ ଜଣ, ଘୋରଡା ମୁଣ୍ଡା ଗ୍ରାମରୁ ୨ ଜଣ ଓ ହରଭଙ୍ଗା ବ୍ଲକ୍ କୃଷ୍ଣପାଲି ଗ୍ରାମରୁ ୩ ଜଣ ଚିହ୍ନଟ ହୋଇଛନ୍ତି ।