ବୌଦ୍ଧ,୨/୧୦- ଆଜି ଜୟ ଭୈରବୀ କ୍ଲବ ବୌଦ୍ଧ ତରଫରୁ ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ କ୍ଲବ ଗୃହଠାରେ ପାଳିତ ହୋଇଯାଇଛି । ଗାନ୍ଧୀ, ଶାସ୍ତ୍ରୀଙ୍କ ତୈଳ ଫୋଟଚିତ୍ରରେ କ୍ଲବର ସଭାପତି ନିରୋଧ ମେହେର ପୁଷ୍ପମାଲ୍ୟ ଅର୍ପଣ ଓ ପ୍ରଦୀପ ପ୍ରଜ୍ଜ୍ୱଳନ କରିଥିଲେ । ଏହାପରେ ଏକ ସଭା ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟଅତିଥି ଭାବେ ପୂର୍ବତନ ନଗରପାଳ ନିବାସ ଚନ୍ଦ୍ର ଦାନୀ ଗାନ୍ଧୀ ଓ ଶାସ୍ତ୍ରୀଜୀଙ୍କ ବ୍ୟକ୍ତିତ୍ୱ ଏବଂ ଜୀବନୀ ବିଷୟରେ ସମ୍ୟକ ଆଲୋକପାତ କରିଥିଲେ । ଅନ୍ୟମାନଙ୍କ ମଧ୍ୟରେ କ୍ଲବର ବରିଷ୍ଠ ସଭ୍ୟ ଦୁର୍ଯ୍ୟୋଧନ ନାୟକ, ଅନିଲ ବେହେରା, ପ୍ରଫୁଲ୍ଲ ସାହୁ, କାର୍ତ୍ତିକ ମହାପାତ୍ର, ରମାକାନ୍ତ ମେହେର, ଅରୁଣ ବାରିକ, ଶିଲୁ ବେହେରା, ରବି ଲେଙ୍କା ପ୍ରମୁଖ ଉପସ୍ଥିତ ରହି ଗାନ୍ଧୀ ଶାସ୍ତ୍ରୀଙ୍କ ସ୍ମୃତିଚାରଣ କରିଥିଲେ । ଶେଷରେ ପ୍ରଫୁଲ୍ଲ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।