ବୌଦ୍ଧ,୧୬/୪- ପବିତ୍ର ଚୈତ୍ର ପୂର୍ଣ୍ଣିମା ଅବସରରେ ସିଦ୍ଧ ହନୁମାନ ମନ୍ଦିର ଉପଦେଷ୍ଟା ବୋର୍ଡ ତରଫରୁ ମହାନଦୀ ମଧ୍ୟସ୍ଥ ସିଦ୍ଧ ହନୁମାନ ମନ୍ଦିର ପରିସରରେ ଆୟୋଜିତ ହୋଇଯାଇଛି । ସର୍ବପ୍ରଥମେ ସକାଳେ ସୂର୍ଯ୍ୟପୂଜା, ଧ୍ୱଜାରୋପଣ, କଳସ ଶୋଭାଯାତ୍ରା,୧୦୮ ହନୁମାନ ଚାଳିଶା ପାଠ ପରେ ସନ୍ଧ୍ୟାରେ ଯଜ୍ଞ, ହନୁମାନ କଥା ପ୍ରବଚନ ଓ଼ ଅନ୍ନ ଯଜ୍ଞ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ପୂଜକ ଭାବେ ଅଙ୍ଗିରା ମିଶ୍ର, ଗରିବ ମିଶ୍ର, ମାନସ ମିଶ୍ର, ମିନୁ ମିଶ୍ର, କର୍ତ୍ତାଭାବେ ରାଧେଶ୍ୟାମ ସାହୁ, ଶ୍ୟାମସୁନ୍ଦର ଅଗ୍ରୱାଲ ଦାୟିତ୍ୱ ତୁଲାଇଥିବାବେଳେ ଆୟୋଜନରେ ବୋର୍ଡର ସଭାପତି କୃତ୍ତିବାସ ପଲିଆ, ସମ୍ପାଦକ ସରୋଜ ସାହୁ, ସହସମ୍ପାଦକ ଶଙ୍କର ସାହୁ, ମୁଖ୍ୟ କର୍ମକର୍ତ୍ତା ରାଜକୁମାର ସାହୁ, ନାରାୟଣ ପ୍ରଧାନ, ଆଦିତ୍ୟ ମିଶ୍ର, ଶୁଭେନ୍ଦୁ ବାରିକ ପ୍ରମୁଖ ସହଯୋଗ କରିଥିଲେ ।