ବୌଦ୍ଧ,୨୯ ।୬: ବୌଦ୍ଧ ଜିଲ୍ଲା ପ୍ରେସ କ୍ଲବ୍ ପକ୍ଷରୁ ଆଜି ସାମ୍ବାଦିକ ସ୍ୱର୍ଗତ ଦୁର୍ବାକ୍ଷ ବସ୍ତିଆଙ୍କ ଗ୍ରାମ ଶୁଣ୍ଢିପଦରକୁ ଯାଇ ତାଙ୍କ ପରିବାରଙ୍କୁ ଭେଟି ସୌଜନ୍ୟ ମୂଳକ ସାକ୍ଷାତ କରି ଆର୍ଥିକ ସହାୟତା ପ୍ରଦାନ କରାଯାଇଛି । ତେବେ ସ୍ୱର୍ଗତ ବସ୍ତିଆଙ୍କ ୨ ଝିଅ ରହିଥିବା ବେଳେ ତାଙ୍କ ପାଠପଢା ପାଇଁ ଉପରେ ଧ୍ୟାନ ଦେବା ସହ ଆଗକୁ ଯଦି ସଂଘର କୌଣସି ସହଯୋଗ ଆବଶ୍ୟକତା ପଡେ ତେବେ ପ୍ରେସ କ୍ଲବ୍ ସହଯୋଗ କରିବ ବୋଲି ପ୍ରତିଶ୍ରୁତି ଦିଆଯାଇଛି । ଏହି ପରିବାରକୁ ସରକାରୀ ସହାୟତା କିଭଳି ମିଳିପାରିବ ପ୍ରେସକ୍ଲବ ପ୍ରୟାସ କରିବ ବୋଲି କହିଥିଲେ ସଂପାଦକ ରଘୁନାଥ ଷଡଙ୍ଗୀ । ଅନ୍ୟମାନଙ୍କ ମଧ୍ୟରେ ପ୍ରେସକ୍ଲବର ସଦସ୍ୟ ସମରେଶ ମିଶ୍ର, ଦୁର୍ଯ୍ୟୋଧନ ବିଶି ଓ ରଞ୍ଜନ କୁମାର ଦାଶ ପ୍ରମୁଖ ସାମିଲ ଥିଲେ ।