ବୌଦ୍ଧ,୨୬ ।୬- ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅନ୍ତର୍ଗତ ଘଣ୍ଟାପଡ଼ା ସମିତିରେ ସେବା ସମବାୟ ସମିତିର ଦ୍ୱିତୀୟ ପର୍ଯ୍ୟାୟ ନିର୍ଦ୍ଦେଶକ ଭୋଟ ଅନୁଷ୍ଠିତ ହୋଇଯାଇଛି । ୧୫ଟି ମଣ୍ଡଳୀ ଜୋନରୁ ୯ ଜଣ ପ୍ରାର୍ଥୀ ନିଦ୍ୱର୍ନ୍ଦ୍ୱରେ ନିର୍ବାଚିତ ହେବା ପରେ ବାକି ୬ଟି ମଣ୍ଡଳୀର ଭୋଟ ଆଜି ଅନୁଷ୍ଠିତ ହୋଇ ଫଳାଫଳ ମଧ୍ୟ ଘୋଷଣା କରାଯାଇଥିଲା । ୩୭୨ ଭୋଟର ବିଶିଷ୍ଟ ୬ଟି ମଣ୍ଡଳୀରେ ମୋଟ ୧୮୩ ଜଣ ଭୋଟର ମତଦାନ କରିଥିଲେ । ବିଜୟୀ ନିର୍ଦ୍ଦେଶକ ମଧ୍ୟରେ ନଂ୨ ରୁ କାଳି ଚରଣ ରଣା, ନଂ୭ରୁ ପୃଥିରାଜ ସାହୁ, ନଂ ୧୦ ରୁ ନିଳକଣ୍ଠ ବିଭାର, ନଂ ୧୨ରୁ ଉସ୍ତ ମାଝୀ, ନଂ ୧୩ରୁ ରାମେଶ୍ୱର ହରିପାଲ ଓ ନଂ୧୪ରୁ ଫଗୁ ମାଝୀ ନିକଟତମ ପ୍ରତିଦ୍ୱନ୍ଦ୍ୱୀଙ୍କୁ ପରାସ୍ତକରି ବିଜୟୀ ହୋଇଥିବା ନେଇ ପ୍ରକାଶ କରିଛନ୍ତି ନିର୍ବାଚନ ଅଧିକାରୀ ଶ୍ରୀ ଭୂଲେଶ୍ୱର ନାଗ । ଉକ୍ତ ନିର୍ବାଚନରେ ପ୍ରିଜାଇଡିଂ ଅଫିସର ଭାବେ ପ୍ରମୋଦ କୁମାର ଜାନୀ, ପୁଲିଙ୍ଗ ଅଫିସର ଭାବେ ଜୟ କିଶୋର ରଣା, ଜୟରାମ କୁମ୍ଭାର ଓ ରୋହନ ରଣା ନିର୍ବାଚନ କାର୍ଯ୍ୟ ତୁଲାଇଥିଲେ । ଶାନ୍ତି ଶୃଙ୍ଖଳାର ସହିତ ନିର୍ବାଚନ ହୋଇଥିବାରୁ ଉପସ୍ଥିତି ଚାଷୀ ଭୋଟର, ଘଣ୍ଟାପଡ଼ା ପୋଲିସ ଓ ସମିତି କର୍ମଚାରୀଙ୍କୁ ଧନ୍ୟବାଦ ଦେଇଛନ୍ତି ନିର୍ବାଚନ ତଦାରଖ ଦାୟିତ୍ୱରେ ଥିବା କଣ୍ଟାମାଳ ବି.ଡି.ଓ.ଶ୍ରୀ କଳାକୃଷ୍ଣ ପ୍ରଧାନ ।