ବୌଦ୍ଧ,୯/୬ – ବୌଦ୍ଧଜିଲ୍ଲା କଣ୍ଟାମାଳ ବ୍ଲକ ବରଗୋଛା ଗ୍ରାମ ପଞ୍ଚାୟତ ଅନ୍ତର୍ଗତ ସିଗାଡି ଗ୍ରାମରେ ଆଜି କରୋନାର ସଚେତନତା ବାର୍ତ୍ତା ବାଣ୍ଟିଛନ୍ତି ଅଙ୍ଗନବାଡି ଓ ଆଶା କର୍ମୀ । ଘର ଘର ବୁଲି ହାତରେ ମାଇକ ଧରି କରୋନା ସମୟରେ କେଉଁ ସତର୍କତା ଅବଲମ୍ବନ କରିବା କଥା ଲୋକଙ୍କୁ ବୁଝାଇ ସଚେତନ କରୁଥିବା ଦେଖିବାକୁ ମିଳିଥିଲା । ସ୍ଥାନୀୟ ଅଙ୍ଗନବାଡି କର୍ମୀ ଶ୍ରୀୟା ପ୍ରଧାନ ଓ ଆଶା କର୍ମୀ ବୁଦ୍ଧ ମାଝି ଘରକୁ ଘର ଯାଇ ମାସ୍କ ପରିଧାନ କରିବା, ସାନିଟାଇଜ ହେବା ଓ ବାରମ୍ବାର ହାତ ଧୋଇବା ଆଦି ସମ୍ପର୍କରେ ସଚେତନ କରୁଛନ୍ତି ।