ବୌଦ୍ଧ,୧୪/୧୧:- ଆଜି ସ୍ଥାନୀୟ ଟାଉନହଲ ଠାରେ ଜିଲ୍ଲାସ୍ତରୀୟ ଶିଶୁ ମହୋତ୍ସବ ‘ସୁରଭି’ ଅନୁଷ୍ଠିତ ହୋଇଯାଇଛି । ଜିଲ୍ଲା ପ୍ରକଳ୍ପ ସଂଯୋଜକ ତଥା ଜିଲ୍ଲା ଶିକ୍ଷା ଅଧିକାରୀ ଡ଼ଃ ଉଦୟନାଥ ମାଝୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବରେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଘନଶ୍ୟାମ ମେହେର ଓ ବୌଦ୍ଧ ଗୋଷ୍ଠୀ ଶିକ୍ଷା ଅଧିକାରୀ ଧ୍ରୁବ ଚରଣ ଘିବେଲା ଉପସ୍ଥିତ ରହି ପିଲାମାନଙ୍କର ବିକାଶ ଦୃଷ୍ଟିରୁ ବକ୍ତବ୍ୟ ଦେଇଥିଲେ । ଆୟୋଜିତ ପ୍ରତଯୋଗିତା ଗୁଡିକରେ ଜିଲ୍ଲାର ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀମାନେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଥିଲେ । ବକ୍ତୃତା -ସସ୍ମିତା ସାହୁ ଓ ଏ ଭି ମଣିପୁର, ସୁପ୍ରିୟା ବାରିକ ସରସରା, ଗଣେଶ ସାହୁ ଜେଡି ହାଇସ୍କୁଲ, ପ୍ରବନ୍ଧ -ନିବେଦିତା ଦାସ ଓ ଏ ଭି ମଣିପୁର, ଇତିଶ୍ରୀ ମହାକୁଡ଼ ଓ ଏ ଭି ତେତେଲେଙ୍ଗା, ବର୍ଷା ବାରିକ ସରସରା ୟୁ ପି ସ୍କୁଲ, ଚିତ୍ରାଙ୍କନରେ -ଜନତ ଆଫ୍ରିନ ଓ ଏ ଭି ତେତେଲେଙ୍ଗା, ସାର୍ଥକ ପାତ୍ର ବଘିଆପଡା ୟୁ ପି ସ୍କୁଲ, ସୂର୍ଯ୍ୟଂସା ପଟ୍ଟନାୟକ ଓ ଏ ଭି ମଣିପୁର, ସଙ୍ଗୀତରେ -ଶୃତି ପଟ୍ଟନାୟକ, ସରକାରୀ ବାଳିକା ଉଚ୍ଚ଼ ବିଦ୍ୟାଳୟ ବୌଦ୍ଧ, ଶକ୍ତିଶଙ୍କର ବାରିକ ଓ ଏ ଭି ମଣିପୁର, ସୁନେଲି ମହାକୁଡ଼ ଖଇରମାଲ ୟୁ ପି ସ୍କୁଲ ଓ ସାଂସ୍କୃତିକ କାର୍ଯ୍ୟକ୍ରମରେ ଖଲିଆବଗିଚା ୟୁ ପି ସ୍କୁଲ -ପ୍ରଥମ, ପୁରୁଣା କଟକ ୟୁ ପି ସ୍କୁଲ -ଦ୍ୱିତୀୟ ଓ ସରସରା ୟୁ ପି ସ୍କୁଲ ତୃତୀୟ ସ୍ଥାନ ଅଧିକାର କରିଥିଲେ ।
ଜିଲ୍ଲା ଶୈକ୍ଷିକ ସଂଯୋଜକ ଶିବଶଙ୍କର ଶତପଥୀ ସଂଯୋଜନା କରିଥିଲେ । ସହଗୋଷ୍ଠୀ ଶିକ୍ଷା ଅଧିକାରୀ କମଳକାନ୍ତ ଦଳବେହେରା, ପ୍ଳାନିଙ୍ଗ ସଂଯୋଜକ ଦେବାଶିଷ ଦ୍ୱାରି, ଆନ୍ତର୍ନିବେଶି ଶିକ୍ଷା ସଂଯୋଜକ ହରିଶଙ୍କର ଦଣ୍ଡସେନା ପ୍ରମୁଖ ସହଯୋଗ କରିଥିଲେ । କୃତି ଛାତ୍ରଛାତ୍ରୀଙ୍କୁ ୫ଟି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ସରକାରୀ ବାଳିକା ଉଚ୍ଚ଼ ବିଦ୍ୟାଳୟ ଠାରେ ଅତିଥି ମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା ।