ବୌଦ୍ଧ,୭/୭- ବୌଦ୍ଧ ଏଚ ଡି ଏଫ ସି ବ୍ୟାଙ୍କ ଆନୁକୂଲ୍ୟରେ ସ୍ଥାନୀୟ ସରକାରୀ ବାଳିକା ଉଚ୍ଚ ବିଦ୍ୟାଳୟ ପରିସରରେ ବନମହୋତ୍ସବ ସପ୍ତାହର ଷଷ୍ଠ ଦିବସରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ବଉଳ, କୃଷ୍ଣଚୁଡା, ରାଧାଚୂଡ଼ା, ଦେବଦାରୁ, କାମିନୀ ଆଦି ପଚାଶରୁ ଅଧିକ ଚାରାଗଛ ଲଗାଯାଇଥିଲା । ବ୍ୟାଙ୍କ ଅଧିକାରୀ ଓ କର୍ମଚାରୀଙ୍କ ସହିତ ବିଦ୍ୟାଳୟର ପ୍ରଧାନ ଶିକ୍ଷକ ଧ୍ରୁବଚରଣ ଘିବେଲାଙ୍କ ତତ୍ୱାବଧାନରେ ଶିକ୍ଷକ ସତ୍ୟନାରାୟଣ ଦେହୁରୀ, ପଦ୍ମନାଭ ସୁବୁଦ୍ଧି, ସୁଜାତା ପୁରୋହିତ, ରଂଜିତ ନାୟକ, ଅନୀତା ସୁବୁଦ୍ଧି, ସୁଧା ହୋତା ଓ କାତ୍ୟାୟନୀ ପାଢ଼ୀ ପ୍ରମୁଖ ଚାରା ରୋପଣ କରିଥିଲେ ।