ବୌଦ୍ଧ,୩/୧ – ବୌଦ୍ଧବ୍ଲକ୍ ମୁଣ୍ଡିପଦର ଗ୍ରାମ ପଞ୍ଚାୟତର ପଲସପାଟ ଗ୍ରାମରେ ଆଦର୍ଶ ଯୁବକ ସଂଘ ଆନୁକୁଲ୍ୟରେ ନବ ବର୍ଷ ଅବସରରେ ସାଂସ୍କୃତିକ କାର୍ଯ୍ୟକ୍ରମ ” ରୁଣୁଝୁଣୁ ପାଦର ତାଳେ ” ଗତକାଲି ସନ୍ଧ୍ୟାରେ ଅନୁଷ୍ଠିତ ହୋଇ ଯାଇଛି । ଉକ୍ତ କାର୍ଯ୍ୟକ୍ରମରେ ମୁଣ୍ଡିପଦର ଗ୍ରାମ ପଞ୍ଚାୟତର ସରପଞ୍ଚ ଅନ୍ତର୍ଯାମୀ ସାହୁ ମୁଖ୍ୟ ଅତିଥି ଭାବରେ ଯୋଗଦେଇ ନବ ବର୍ଷର ଶୁଭେଚ୍ଛା ଜଣାଇବା ସହ ୨୦୨୦ ମସିହାରେ ପୃଥିବୀକୁ ଗ୍ରାସ କରିଥିବା କରୋନା ମହାମାରୀ ନୂଆବର୍ଷରେ ଦୂରେଇ ଯାଉ ବୋଲି ଶ୍ରୀ ଜଗନ୍ନାଥଙ୍କ ନିକଟରେ କାମନା କରିଥିଲେ । ଅନ୍ୟତମ ଅତିଥି ଭାବେ ଗ୍ରାମ ଶାନ୍ତି କମିଟିର ସଭାପତି ନୃସିଂହ ପ୍ରଧାନ, ସମ୍ପାଦକ ଦଧି ବାମନ ପଣ୍ଡା ଓ ସ୍ୱେଚ୍ଛାସେବୀ ପ୍ରଦୀପ ବେହେରା ମଞ୍ଚାସୀନ ଥିଲେ । ବୌଦ୍ଧଜିଲ୍ଲାର ବିଭିନ୍ନ ସାଂସ୍କୃତିକ ଅନୁଷ୍ଠାନ ସମେତ ଅତାବିରା, ବରଗଡ ଓ ଭୁବନେଶ୍ୱର ଆଦି ଅଂଚଳର ସାଂସ୍କୃତିକ ଦଳମାନେ ଚିତାକର୍ଷକ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରି ବିଳମ୍ବିତ ରାତି ଯାଏଁ ଦର୍ଶକଙ୍କୁ ମନ୍ତ୍ରମୁଗ୍ଧ କରି ରଖିଥିଲେ । ଗତ ତିନି ବର୍ଷ ଧରି ଯୁବକ ସଂଘର ସଦସ୍ୟମାନେ ଏଭଳି କାର୍ଯ୍ୟକ୍ରମ ନୂଆବର୍ଷରେ ଆୟୋଜନ କରି ଆସୁଛନ୍ତି ।