ବୌଦ୍ଧ,୨/୧୦- ବୌଦ୍ଧସହରର ସର୍ବପୁରାତନ ଯୋଗୀନ୍ଦ୍ରଦେବ ଉଚ୍ଚ ବିଦ୍ୟାଳୟ ପରିସରରେ ପ୍ରଧାନଶିକ୍ଷକ ଧ୍ରୁବଚରଣ ଘିବେଲାଙ୍କ ଅଧ୍ୟକ୍ଷତାରେ ମହାତ୍ମାଗାନ୍ଧୀ ଓ ଲାଲବାହାଦୁର ଶାସ୍ତ୍ରୀଙ୍କ ଜନ୍ମଜୟନ୍ତୀ ପାଳିତ ହୋଇଯାଇଛି । ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରମାନେ ଉଭୟ ମହାପୁରୁଷଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ ଓ ପ୍ରଦୀପ ପ୍ରଜ୍ଜ୍ୱଳନ କରିଥିଲେ । ପ୍ରଧାନ ଶିକ୍ଷକ ଶ୍ରୀ ଘିବେଲା ଉଭୟ ମହାପୁରୁଷଙ୍କ ଜୀବନୀ କହିବା ସହିତ ସେମାନେ କରିଯାଇଥିବା କାର୍ଯ୍ୟକୁ ଅନୁସରଣ କରିବା, ସ୍ୱଚ୍ଛତା ରକ୍ଷା କରିବା, ସମୟାନୁବର୍ତ୍ତିତା ହେବା , କର୍ତ୍ତବ୍ୟ ନିଷ୍ଠ ହେବାକୁ ପରାମର୍ଶ ଦେଇଥିଲେ । ବିଦ୍ୟାଳୟର ବରିଷ୍ଠ ଶିକ୍ଷକ ଟଙ୍କଧର ସାହୁ, ଶିକ୍ଷକ ବିଜୟ କୁମାର ଖେତି, ରାଜଲକ୍ଷ୍ମୀ ସ୍ୱାଇଁ, ଛାତ୍ର ଗଣେଶ ସାହୁ, ଦେବୀପ୍ରସାଦ ସାହୁ ନିଜ ନିଜର ବକ୍ତବ୍ୟ ଦେଇଥିଲେ । ଶିକ୍ଷକ ବିଜୟକୁମାର ପ୍ରଧାନ, ମଞ୍ଜିତ ମୋହନ ଚାନ୍ଦ, କଲ୍ୟାଣୀ ପାଣିଗ୍ରାହୀ, ମଧୁଶ୍ରୀ ଦେବୀ, ଏକାଦୁସିଆ ପ୍ରଧାନଙ୍କ ସହିତ ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ନବମ ଦଶମ ଶ୍ରେଣୀର ଛାତ୍ରମାନେ ଉପସ୍ଥିତ ଥିଲେ ।