ବୌଦ୍ଧ,୧୬/୪- ବୌଦ୍ଧଜିଲ୍ଲା ସଦର ମହକୁମା ଠାରୁ ବାହାରି ଗାଁ ଗାଁ ବୁଲି ସଚେତନ କରାଉଥିବା ଶିକ୍ଷା ସଚେତନ ରଥକୁ ଶନିବାର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ବଘିଆପଡାଠାରେ ସ୍ୱାଗତ କରାଯାଇଥିଲା । ନିଆରା ଢଙ୍ଗରେ ନାନା ଜାତିର ଫୁଲ, ଫଳରେ ସୁସଜ୍ଜିତ ରଙ୍ଗୋଲି ସହିତ ଆମ୍ବତୋରଣ ଦ୍ୱାରା ରଥକୁ ଅଭ୍ୟର୍ଥନା ଦିଆଯାଇଥିଲା ।ଛାତ୍ରୀମାନେ ସ୍ୱାଗତ ସଙ୍ଗୀତ ଗାଇଥିଲେ । ଗ୍ରାମବାସୀ, ଅଭିଭାବକ, ସି.ଆର.ସି.ସି ବିଜୟ କୁମାର ଭୋଇ ,ସମାଜସେବୀ ସୁଶାନ୍ତ ସାହୁ ଏବଂ ବିଦ୍ୟାଳୟ ସଭାପତି କୃଷ୍ଣଚନ୍ଦ୍ର ପ୍ରଧାନଙ୍କ ଉପସ୍ଥିତରେ ପ୍ରଧାନ ଶିକ୍ଷକ ଜାଗର ଜାଳି ରଥକୁ ଅଭିନନ୍ଦନ ଜଣାଇଥିଲେ । ଛାତ୍ରଛାତ୍ରୀମାନେ ବିଭିନ୍ନ ସ୍ଲୋଗାନ ଦେବାସହ ଜିଲ୍ଲା ଶିକ୍ଷା କାର୍ଯ୍ୟାଳୟ ତଥା ସମଗ୍ର ଶିକ୍ଷା ତରଫରୁ ଆସିଥିବା ଉପଲବ୍ଧି ଓ ପ୍ରତିବଦ୍ଧତା ଲିଫଲେଟ ବଣ୍ଟନ କରିଥିଲେ । ଶିକ୍ଷୟିତ୍ରୀ କୁମୁଦିନି ମଲ୍ଲିକ, ବିଥିକା ସାମନ୍ତରାୟ ଏବଂ ମାଳତୀ ହରିପାଲ ହୁଳହୁଳି ଦେଇ ଫୁଲ ଚାଉଳଦ୍ୱାରା ରଥକୁ ବନ୍ଦାଣ କରିଥିବା ବେଳେ ଶିକ୍ଷକ ସତ୍ୟାନନ୍ଦ ଦନାୟକ ଓ ଜୟ ମହାନନ୍ଦିଆ ଚନ୍ଦନ ତିଳକ କରାଇଥିଲେ ।