ବୌଦ୍ଧ,୪/୯ – ଆଜି ବୌଦ୍ଧ ଜିଲ୍ଲାରେ କରୋନା ୭୦୦ ପାର୍କଲା କରୋନା ଆକ୍ରାନ୍ତଙ୍କ ସଂଖ୍ୟା । ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଦିଆଯାଇଥିବା ସୂଚନା ଅନୁଯାୟୀ ଆଜି ଜିଲ୍ଲାରେ ୪୪ ଜଣ ନୂତନ କରୋନା ଆକ୍ରାନ୍ତ ଚିହ୍ନଟ ହୋଇଥିବା ଜଣାପଡିଛି । ହରଭଙ୍ଗା ବ୍ଲକ୍ କୁଶଙ୍ଗ ଗ୍ରାମରୁ ୧୭ ଜଣ, କୁଶଙ୍ଗ ପଂଚାୟତ ତିରଡ ଗ୍ରାମରୁ ଜଣେ, ବୀରନରସିଂହପୁର ଗ୍ରାମରୁ ୪ ଜଣ, ବୌଦ୍ଧ ବ୍ଲକ୍ ମୁଣ୍ଡାପଡା ଗ୍ରାମ ପଂଚାୟତର କମିରା ଗ୍ରାମରୁ ୨ ଜଣ ଓ ବୌଦ୍ଧ ସହରାଞ୍ଚଳ ମଧ୍ୟରୁ ୨୦ ଜଣ ନୂତନ ଭାବରେ କରୋନା ଆକ୍ରାନ୍ତ ଚିହ୍ନଟ ହୋଇଥିବା ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ଆଜିର ୪୪ ଜଣ ନୂତନ କରୋନା ଆକ୍ରାନ୍ତ ସଂଖ୍ୟାକୁ ମିଶାଇଲେ ଜିଲ୍ଲାରେ ମୋଟ କରୋନା ଆକ୍ରାନ୍ତ ସଂଖ୍ୟା ୭୨୫ ରେ ପହଞ୍ଚିଛି ।