ବୌଦ୍ଧ,୩/୩ – ଗତକାଲି ରାତିରେ ବୌଦ୍ଧବ୍ଲକ୍ ଖୁଣ୍ଟବନ୍ଧ ଗ୍ରାମପଞ୍ଚାୟତ ଜଗନ୍ନାଥପୁର ଗ୍ରାମରେ ଛେଳି ଗୁହାଳରେ ନିଆଁ ଲାଗି ୩୦ ଛେଳି ଜୀବନ୍ତ ଦଗ୍ଧ ହୋଇଯାଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଜଗନ୍ନାଥପୁର ଗ୍ରାମର ଛେଳିପାଳକ କଇରା ପ୍ରଧାନ ଓ ଏକାର ପ୍ରଧାନଙ୍କ ଛେଳି କୁଠିରେ ମଙ୍ଗଳବାର ରାତିରେ ନିଆଁ ଲାଗି ଯାଇଥିଲା । ପରିବାର ଓ ଗ୍ରାମବାସୀ ମିଶି ନିଆଁ ଲିଭାଇବା ପାଇଁ ଚେଷ୍ଟା କରିଥିଲେ ମଧ୍ୟ ଚାଳଛପର ଘର ପୋଡିଯିବା ସହ ୩୦ ଗୋଟି ଛେଳି ପୋଡି ଯାଇଥିଲେ । ଅଗ୍ନିକାଣ୍ଡରେ ଲକ୍ଷାଧିକ ଟଂକାର ସଂପତ୍ତି କ୍ଷତି ହୋଇଛି । ଉଭୟ ପରିବାର ଗରିବ ହୋଇଥିବାରୁ ସେମାନଙ୍କୁ ଆବଶ୍ୟକ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବୀ କରିଛନ୍ତି ।