ବୌଦ୍ଧ,୩/୬ – ହରଭଙ୍ଗା ବ୍ଲକ୍ ସରସରା ଗ୍ରାମ ପଞ୍ଚାୟତ ବଡ଼ ବଙ୍କାପଡା ଗ୍ରାମର ବନ୍ଧସାହିର ନଳକୂପ ଖରାଦିନ ପୁର୍ବରୁ ଅଚଳ ହୋଇ ପଡି ରହିଥିବା ଗ୍ରାମବାସୀ ଅଭିଯୋଗ କରିଛନ୍ତି । ବାରମ୍ବାର ଅଭିଯୋଗ ସତ୍ତେ୍ୱ
ଗ୍ରାମ ପଞ୍ଚାୟତ କର୍ତ୍ତୃପକ୍ଷ କୌଣସି ପଦକ୍ଷେପ ନ ନେବାରୁ ଗ୍ରାମବାସୀ ସରସରା ଗ୍ରାମ ପଞ୍ଚାୟତକୁ ଯୋଗାଯୋଗ କରି ଗୋଟିଏ ପାଇପ ଆଣି ଏସ. ଇ. ଏମ. ଙ୍କୁ ଡକାଇ ୧୫ ଦିନ ତଳେ ମରାମତି କରାଇଥିଲେ । ମରାମତି ପରେ ମଧ୍ୟ ନଳକୂପରୁ ପାଣି ବାହାରୁ ନାହିଁ । ମେକାନିକ ମାନଙ୍କ କହିବା ଅନୁଯାୟୀ ନଳକୂପର ସିଲିଣ୍ଡର ଖରାପ ହୋଇଛି ଓ ନୂଆଁ ସିଲିଣ୍ଡର ଦରକାର । ଏ ସମ୍ପର୍କରେ ପଞ୍ଚାୟତିରାଜ ଓ ଗ୍ରାମ୍ୟ ପାନୀୟ ଜଳ ଯୋଗାଣ ଓ ପରିମଳ ବିଭାଗ ଦୃଷ୍ଟି ଦେଇ ନଳକୂପର ଆବଶ୍ୟକୀୟ ମରାମତି କରାଇବାକୁ ଜନସାଧାରଣରେ ଦାବୀ ହେଉଛି ।