ବୌଦ୍ଧ/ଜହ୍ନ ।ପଙ୍କ,୨/୧: ବୌଦ୍ଧ ବ୍ଳକ ବଢିଗାଁ ଖେଳ ପଡ଼ିଆରେ ମା ଦୁର୍ଗା କ୍ଳବ ଆନୁକୂଲ୍ୟରେ ୫ ମ ମା ଭୈରବୀ ଫୁଟବଲ ପ୍ରତିଯୋଗିତା ଆଜି ଉଦଘାଟିତ ହୋଇଯାଇଛି । ଉଦଘାଟନୀ ମ୍ୟାଚ ବଲ ।ସିଙ୍ଗା ଓ କମ୍ପରା ମଧ୍ୟରେ ହୋଇଥିଲା । ନିର୍ଦ୍ଧାରିତ ସମୟ ମଧ୍ୟରେ କେହି କାହାକୁ ଗୋଲ ଦେଇପାରି ନଥିଲେ । ଫଳରେ ଟାଇବେକର ପଦ୍ଧତିରେ ବଲାସିଙ୍ଗା ୮-୭ ଗୋଲରେ ବିଜୟୀ ହୋଇଥିଲା । ଦ୍ୱିିତୀୟ ମ୍ୟାଚ ବଢିଗାଁ ଓ ଅଳଣିଆ ମଧ୍ୟରେ ହୋଇଥିଲା । ଏଥିରେ ମଧ୍ୟ ନିର୍ଦ୍ଧାରିତ ସମୟ ମଧ୍ୟରେ କେହି କାହାକୁ ଗୋଲ ଦେଇ ନପାରିବାରୁ ଟାଇବେକର ପଦ୍ଧତିରେ ବଢିଗାଁ ୫-୩ ଗୋଲରେ ବିଜୟୀ ହୋଇଥିଲା । ଆଜିର ମ୍ୟାଚକୁ ସିଲୁ ବେହେରା ପରିଚାଳନା କରିଥିବା ବେଳେ ଲାଇନରେ ପ୍ରହଲ୍ଲାଦ ଭୋକ୍ତା ଓ ସୁଜିତ ରାଜହଂସ ସହଯୋଗ କରିଥିଲେ । ଚତୁର୍ଥ ରେଫରୀ ଭାବେ ବରୁଣ ପ୍ରଧାନ ଦାୟିତ୍ୱ ତୁଲାଇଥିଲେ । ଆଜି ଉଦଘାଟନୀ ମ୍ୟାଚରେ ମୁଖ୍ୟ ଅତିଥି ଭାବେ ସ୍ୱେଚ୍ଛାସେବୀ ଅଶୋକ କୁମାର ପ୍ରଧାନ ଓ ସମ୍ମାନିତ ଅତିଥି ଭାବେ ବଢିଗାଁ ପଂଚାୟତର ପୂର୍ବ ସରପଞ୍ଚ ପ୍ରଫୁଲ୍ଲ କୁମାର ପାଢୀ ଯୋଗଦେଇ ଉଦଘାଟନ କରିଥିଲେ । ଏହି ଫୁଟବଲ ପ୍ରତିଯୋଗିତାରେ ସୁବଳ ପାଢ଼ୀ, ରାକେଶ ପୂଜାରୀ,ଚନ୍ଦନ ଜେନା, କୃଷ୍ଣ ବିଶି ପ୍ରମୁଖ ସହଯୋଗ କରିଥିଲେ ।