ବୌଦ୍ଧ,୨୩/୧ – ତ୍ରିସ୍ତରୀୟ ପଞ୍ଚାୟତିରାଜ ନିର୍ବାଚନ ପାଇଁ ଆଜି ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ ପାଇଛି । ବିଭିନ୍ନ ପଦପଦବୀ ପାଇଁ ୨୨୫୦ ଜଣ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିବାବେଳେ ଯାଞ୍ଚ ପରେ ୨୧୭୭ ଜଣ ପ୍ରାର୍ଥୀଙ୍କ ନାମାଙ୍କନ ପତ୍ର କାଏମ ରହିଥିବା ଜଣାପଡିଛି । ବୌଦ୍ଧଜିଲ୍ଲାରୁ ୧୫୧୧ଜଣ ପ୍ରାର୍ଥୀ ୱାର୍ଡମେମ୍ବର ପାଇଁ ନାମାଙ୍କନ ପତ୍ର ଭରିଥିବାବେଳେ ୩୩ ଜଣ ପ୍ରାର୍ଥୀଙ୍କ ନାମାଙ୍କନ ପତ୍ର ନାକଚ ହୋଇ ୧୪୭୮ ଜଣଙ୍କ କାଏମ ରହିଛି । ସେହିପରି ସରପଞ୍ଚ ପଦବୀ ପାଇଁ ୩୪୪ ଜଣ ନାମାଙ୍କନ ପତ୍ର ଦାଖଲ କରିଥିବାବେଳେ ୭ଜଣଙ୍କ ନାମାଙ୍କନ ନାକଚ ହୋଇ ୩୩୭ ଜଣଙ୍କ କାଏମ ରହିଛି । ପଞ୍ଚାୟତ ସମିତିସଭ୍ୟ ପାଇଁ ୩୩୬ ଜଣ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିବାବେଳେ ୧୪ଜଣଙ୍କ ନାକଚ ହୋଇ ୩୨୨ଜଣଙ୍କ କାଏମ ରହିଛି । ସେହିପରି ୯ଟି ଜିଲ୍ଲାପରିଷଦ ଜୋନ ପାଇଁ ୫୯ଜଣ ନାମାଙ୍କନ ପତ୍ର ଦାଖଲ କରିଥିବାବେଳେ ୧୯ଜଣଙ୍କ ନାକଚ ହୋଇ ୪୦ ଜଣ ପ୍ରାର୍ଥୀଙ୍କ କାଏମ ରହିଥିବା ଜିଲ୍ଲା ପଞ୍ଚାୟତ ଅଧିକାରୀ ସୂଚନା ଦେଇଛନ୍ତି ।