ବୌଦ୍ଧ,୨୮/୩- ସ୍ଥାନୀୟ ଶ୍ରୀଶ୍ରୀ ଜଗନ୍ନାଥ ମନ୍ଦିର ସଭାଗୃହରେ ମଧୁବୈଶ୍ୟ (ଗୁଡିଆ) ସମାଜର କାର୍ଯ୍ୟକାରିଣୀ ବୈଠକ ରବିବାର ଅନୁଷ୍ଠିତ ହୋଇଯାଇଛି । ଅତିଥି ଭାବେ ବୌଦ୍ଧଜିଲ୍ଲା ସଭାପତି ବୈକୁଣ୍ଠନାଥ ସାହୁ ଯୋଗଦେଇଥିବାବେଳେ ସଂପାଦକ ଗଜେନ୍ଦ୍ର କୁମାର ସାହୁ ସଭାର ଆଭିମୁଖ୍ୟ ଏବଂ ଜିଲ୍ଲା ସଂଗଠନ ଉପରେ ସବିଶେଷ ବିବରଣୀ ପ୍ରଦାନ କରିଥିଲେ । ମଞ୍ଚର କାର୍ଯ୍ୟକାରୀ ସଭାପତି ବିଶ୍ୱନାଥ ସାହୁ, ସାଧାରଣ ସଂପାଦକ ରାଜେନ୍ଦ୍ର ସାହୁ ସଭାର ସମସ୍ତ ବିବରଣୀ ପ୍ରଦାନ କରିଥିଲେ । ସମାଜର ସଭାପତି ପ୍ରଭାତ କୁମାର ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ବୌଦ୍ଧ, ଅନୁଗୁଳ, ପୁରୀ, କଟକ, ବଲାଙ୍ଗୀର, ବରଗଡ, ସମ୍ବଲପୁର, ନୂଆପଡା, ଝାରସୁଗୁଡା, କନ୍ଧମାଳ ଜିଲ୍ଲା କର୍ମକର୍ତ୍ତା ଏବଂ ଯୁବ ସଂଗଠନ କର୍ମକର୍ତ୍ତାମାନେ ଯୋଗ ଦେଇଥିଲେ । ବୈଠକରେ ସମାଜରୁ ନିରକ୍ଷରତା ଦୂରୀକରଣ, ନାରୀ ସମାଜକୁ ସାମାଜିକ କାର୍ଯ୍ୟରେ ସଂପୃକ୍ତ କରିବା, ବାଲ୍ୟବିବାହକୁ ବନ୍ଦ କରିବା, ପରିବେଶ ସୁରକ୍ଷା କରିବା, ବନୀକରଣ କାର୍ଯ୍ୟରେ ସାମିଲ ହେବା, ସମାଜରୁ ନିଶାମୁକ୍ତ ପାଇଁ କାର୍ଯ୍ୟକରିବା ଓ ଜିଲ୍ଲାସ୍ତରୀୟ ସଂଗଠନକୁ ସୁଦୃଢ କରିବାକୁ ପ୍ରସ୍ତାବ ଗୃହୀତ ହୋଇଥିଲା । ବୈଠକରେ କଟକ ଜିଲ୍ଲା ଆୟୀନା ପତ୍ରିକାର ସଂପାଦକ କ୍ଷେତ୍ରବାସୀ ସାହୁ ମଞ୍ଚ ପରିଚାଳନା କରିଥିଲେ । ଏହି ବୈଠକରେ ୫ଶହରୁ ଉର୍ଦ୍ଧ୍ୱ ସମାଜର କର୍ମକର୍ତ୍ତାମାନେ ଯୋଗଦେଇଥିଲେ ।