ବୌଦ୍ଧ,୨୨/୫:- ଆଜି ଜିଲ୍ଲା ଶିକ୍ଷାଧିକାରୀଙ୍କ କାର୍ଯ୍ୟାଳୟ ସମ୍ମିଳନୀ କକ୍ଷରେ ସରକାରୀ ବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ନେଇ ଯୋଗାସନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏଥିରେ ଜୁନିଅର ବାଳକ ବାଳିକା ଓ ସିନିଅର ବାଳକ ବାଳିକାଙ୍କୁ ନେଇ ଅଭ୍ୟାସ ହୋଇଥିଲା । ମୁଖ୍ୟଅତିଥି ଭାବେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଘନଶ୍ୟାମ ମେହେର ଯୋଗଦେଇ ଉଦଘାଟନ କରିଥିଲେ । ବିଚାରକ ଭାବେ ଯୋଗ ଶିକ୍ଷକ ଦେବାଶିଷ ପୁରୋହିତ ଓ ସୁଶାନ୍ତ କୁମାର ମହାପାତ୍ର ଯୋଗ ଦେଇଥିଲେ । ୬୦ ଜଣ ପ୍ରତିଯୋଗୀ ମାନଙ୍କ ମଧ୍ୟରୁ ୧୨ ଜଣ ରାଜ୍ୟସ୍ତରକୁ ଚୟନ କରାଯାଇଥିଲା । ଜୁନିଅରରେ ଶକ୍ତି ପ୍ରଧାନ, ସୁବର୍ଣ୍ଣ କେଶରୀ ନାଏକ, ସାଇଶ୍ୟାମ ରଥ, ଶ୍ରୀୟାଶ୍ରୀ ଭୋଇ, ପ୍ରାଚୀପ୍ରଭା ମେହେର ଓ ଖୁସି ପ୍ରଧାନ ଏବଂ ସିନିଅରରେ ଆର୍ଯ୍ୟାନ ମାହାନା, ଅବିନାଶ ପୁରୋହିତ, ରୋହନ ପଟ୍ଟନାୟକ, ଦୀପିକା ବାରିକ, ସ୍ୱପ୍ନା ଜେନା ଓ ସ୍ୱାପର୍ଣ୍ଣାରାଣୀ ବାଘ ଭୁବନେଶ୍ୱର ଠାରେ ୨୪ ତାରିଖରେ ଅନୁଷ୍ଠିତ ତ୍ରିଦିବସୀୟ ପ୍ରତିଯୋଗିତାରେ ଅଂଶଗ୍ରହଣ କରିବେ । ଆଇ. ପି. ଆନନ୍ଦ କୁମାର ବେହେରାଙ୍କ ନେତୃତ୍ୱରେ ଅନୁଷ୍ଠିତ ପ୍ରତିଯୋଗିତାରେ ସମସ୍ତ ବିଦ୍ୟାଳୟର ଖେଳ ଶିକ୍ଷକ ଶିକ୍ଷୟିତ୍ରୀ ଯୋଗ ଦେଇଥିଲେ ।