ବୌଦ୍ଧ,୧/୯ – ଆଜି ସନ୍ଧ୍ୟା ପ୍ରାୟ ୬ ଘଣ୍ଟା ସମୟରେ ଜାତୀୟ ରାଜପଥ ନମ୍ବର୍ ୫୭ର ସରସରା ନିକଟରେ କାର୍ ଧକ୍କାରେ ଜଣେ ବାଳିକା ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଆଜି ସନ୍ଧ୍ୟା ୬ ଘଣ୍ଟା ସମୟରେ ଜାତୀୟ ରାଜପଥ ନମ୍ବର୍ ୫୭ର ସରସରା ଛକ ନିକଟରେ ମନୀଷା ବେହେରା(୧୬ ବର୍ଷ ) ନାମକ ଜଣେ ବାଳିକା ସାଇକେଲ ଯୋଗେ ଯାଉଥିବା ବେଳେ ଗୋଟିଏ କାର୍ ସାଇକେଲକୁ ଧକ୍କା ଦେଇଥିଲା । ଫଳରେ ବାଳିକା ଜଣକ ଗୁରୁତର ଆହତ ହୋଇଥିଲେ । ଆମ୍ବୁଲାନସ୍ ଯୋଗେ ତାଙ୍କୁ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଛି । ଦୁର୍ଘଟଣା ଘଟାଇଥିବା କାର ଫେରାର ମାରୁଥିବା ବେଳେ ସ୍ଥାନୀୟ ଲୋକଙ୍କ ଦ୍ୱାରା ଲାଣ୍ଡିବନ୍ଧ ନିକଟରେ ଅଟକ ରଖା ଯାଇଥିବା ଜଣାପଡିଛି । ବୌଦ୍ଧ ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ କରୁଥିବା ଜଣାପଡିଛି ।