ବୌଦ୍ଧ,୨୩/୮ – ଆଜି ବୌଦ୍ଧ ଜିଲ୍ଲାରେ ୯ ଜଣଙ୍କ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି । ଆଜି ଯେଉଁ ୯ ଜଣ ପଜିଟିଭ ଚିହ୍ନଟ ହୋଇଛନ୍ତି ସମସ୍ତେ ବୌଦ୍ଧ ସହର ଅଂଚଳର ବୋଲି ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ଗତ ୩ /୪ ଦିନ ମଧ୍ୟରେ ବୌଦ୍ଧ ସହର ମଧ୍ୟରେ ଅନେକ ପଜିଟିଭ ଚିହ୍ନଟ ହୋଇଥିବା ଜଣାପଡିଛି । କେନ୍ଦୁପତ୍ର ଓ ବନ ବିଭାଗ କର୍ମଚାରୀମାନେ ଆକ୍ରାନ୍ତ ହେବା ପରେ ତାଙ୍କ ସଂସ୍ପର୍ଶରେ ଆସିଥିବା ଲୋକଙ୍କ କଣ୍ଟାକ୍ଟ ଟ୍ରେସିଂ ମଧ୍ୟରୁ ଆଜିର ପଜିଟିଭମାନେ ବାହାରିଥିବା ଜଣାପଡିଛି । ଆଜିର ପଜିଟିଭକୁ ମିଶାଇ ଜିଲ୍ଲାରେ ମୋଟ୍ କରୋନା ପଜିଟିଭ ସଂଖ୍ୟା ୫୨୫ ରେ ପହଞ୍ଚିଛି । ଆଜିସୁଦ୍ଧା ୫୨୫ ଜଣ ପଜିଟିଭଙ୍କ ମଧ୍ୟରୁ ୨୨୬ଜଣ ସୁସ୍ଥ ହୋଇଥିବା ଜଣାପଡିଛି । ୮୪୭ ଜଣଙ୍କ ରିପୋର୍ଟ ଅପେକ୍ଷାରେ ରହିଛି । ଏବେ ମଧ୍ୟ ୨୯୦ଜଣ ଆକ୍ରାନ୍ତ ଚିକିତ୍ସାଧୀନ ରହିଛନ୍ତି ।