ବୌଦ୍ଧ,୨୯/୭- ଆଜି ଜିଲ୍ଲାରୁ ୧୧ ଆକ୍ରାନ୍ତ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି । ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ରୀତାକାନ୍ତି ବଳିଆରସିଂଙ୍କ ସୂଚନା ଅନୁଯାୟୀ ଆଜି ବୌଦ୍ଧବ୍ଲକ କସୁରବନ୍ଧ ପଞ୍ଚାୟତ ସାନଡୁଙ୍ଗୁରିପାଲିରୁ ୨ଜଣ, ମୁଣ୍ଡିପଦର ପଞ୍ଚାୟତ ରାଉତବାହାଲ ଗ୍ରାମରୁ ୨ଜଣ, ମୂର୍ଷୁଣ୍ଢି ପଞ୍ଚାୟତ ମୂର୍ଷୁଣ୍ଢି ଗ୍ରାମରୁ ଜଣେ ଚିହ୍ନଟ ହୋଇଛନ୍ତି । ସେହିପରି ହରଭଙ୍ଗା ବ୍ଲକ ବାମଣ୍ଡା ପଞ୍ଚାୟତ ଟାଙ୍ଗରପାଲି ଗ୍ରାମରୁ ଜଣେ, ସରସରାପଞ୍ଚାୟତ ରଇଠାଣୀ ଗ୍ରାମରୁ ଜଣେ, ତିଲେଶ୍ୱର ପଞ୍ଚାୟତ ଘିମୁହାଣୀ ଗ୍ରାମରୁ ଜଣେ, କଣ୍ଟାମାଳ ବ୍ଲକ ଖଟଖଟିଆ ପଞ୍ଚାୟତ ଜାଲପାଲି ଗ୍ରାମରୁ ଜଣେ, ରୁଣ୍ଡିମହୁଲ ପଞ୍ଚାୟତ କେକାମଞ୍ଜି ଗ୍ରାମରୁ ଜଣେ, ଶୁଣ୍ଢିପଦର ପଞ୍ଚାୟତ ପାଇଚାଦାଦର ଗ୍ରାମରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜିର ଆକ୍ରାନ୍ତକୁ ମିଶାଇ ଜିଲ୍ଲାରେ ଆଜିସୁଦ୍ଧା ୧୨୫୦୧ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ସେଥିମଧ୍ୟରୁ ଆଜିସୁଦ୍ଧା ୧୨୩୨୮ ଜଣ ସୁସ୍ଥ ହୋଇଥିବାବେଳେ ୭୪ଜଣ ଚିକିତ୍ସାଧୀନ ଓ ୯୯ଜଣଙ୍କ ମୃତ୍ୟୁ ଘଟିଥିବା ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ଗଣମାଧ୍ୟମକୁ ସୂଚନା ଦେଇଛନ୍ତି ।