ବୌଦ୍ଧ,୨୨/୩:- ବୌଦ୍ଧଗଡ ବିଜ୍ଞାପିତ ଅଞ୍ଚଳ ପରିଷଦର ନିର୍ବାଚନୀ ପ୍ରଚାରର ଆଜି ଅନ୍ତିମ ଦିନରେ ବିଜେପି ତରଫରୁ ଏକ ବାଇକ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଅଧ୍ୟକ୍ଷ ପ୍ରାର୍ଥୀ ଯୁଗଳ କିଶୋର ସାମଲଙ୍କ ପାଇଁ ରାଜ୍ୟ ବିଜେପି ସାଧାରଣ ସଂପାଦିକା ତଥା ମୁଖପାତ୍ର ଡ. ଲେଖାଶ୍ରୀ ସାମନ୍ତସିଂହାର ପ୍ରଚାରରେ ଆସି ଜନସାଧାରଣଙ୍କୁ ଭୋଟ୍ ଭିକ୍ଷା କରିଥିଲେ । ବୌଦ୍ଧଗଡର ବିକାଶ ପାଇଁ ଅଧ୍ୟକ୍ଷ ପ୍ରାର୍ଥୀ ଯୁଗଳ ବାବୁଙ୍କୁ ପଦ୍ମଫୁଲରେ ବିପୁଳ ସଂଖ୍ୟାରେ ଭୋଟ୍ ଦେଇ ଜୟଯୁକ୍ତ କରିବାକୁ ଭୋଟରଙ୍କୁ ସେ ନିବେଦନ କରିଥିଲେ ।
ଏହି ବାଇକ ଶୋଭାଯାତ୍ରା ବୌଦ୍ଧ ବ୍ରିଜଛକରୁ ବାହାରି ୧୭ଟି ୱାର୍ଡ ଯଥା ମାଳିସାହି, ବଗିଚାସାହି, ଡେଲି ମାର୍କେଟ, ଭୈରବୀଛକ, ଗାନ୍ଧୀଛକ, ୱାର୍ଲେସ ଛକ, ପୋଡାପଡା, ମର୍ଜାକୁଦ, ନୂଆସାହି, ବ୍ରାହ୍ମଣସାହି, ବାପୁଜୀନଗର, ବୁଟୁପାଲି, ରାଜନପାଲି, ଖଲିଆବଗିଚା ପର୍ଯ୍ୟନ୍ତ ହୋଇଥିଲା । ଏହି ରାଲିରେ ବିଜେପିର ଜିଲ୍ଲାସଭାପତି ବିପ୍ରଚରଣ ମହାନ୍ତିଙ୍କ ନେତୃତ୍ୱରେ ବହୁ ବରିଷ୍ଠ ନେତା, କର୍ମୀ ଓ ୧୭ଟି ୱାର୍ଡର କାଉନସିଲର ପ୍ରାର୍ଥୀମାନେ ସାମିଲ ହୋଇଥିଲେ ।