ବୌଦ୍ଧ,୧/୭- ଆଜି ଭାରତୀୟ ଷ୍ଟେଟ ବ୍ୟାଙ୍କ ବୌଦ୍ଧ ମୁଖ୍ୟ ଶାଖା ତରଫରୁ ୬୬ ତମ ବ୍ୟାଙ୍କ ପ୍ରତିଷ୍ଠା ଦିବସ ପାଳିତ ହୋଇଯାଇଛି । ଆଜି ଡକ୍ଟର ଦିବସ ଅବସରରେ ବ୍ୟାଙ୍କ ତରଫରୁ ମୁଖ୍ୟଶାଖା ଠାରେ କରୋନା ଯୋଦ୍ଧା ସମ୍ମାନରେ ବୌଦ୍ଧର ୨ଜଣ ଡାକ୍ତରଙ୍କୁ ସମ୍ବର୍ଦ୍ଧିତ କରାଯାଇଛି । ଷ୍ଟେଟ ବ୍ୟାଙ୍କ ବୌଦ୍ଧଶାଖାର ମୁଖ୍ୟ ପ୍ରବନ୍ଧକ ଶ୍ରୀ ଜୀତେନ୍ଦ୍ର ପଟ୍ଟନାୟକଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସମ୍ମାନୀତ ଅତିଥି ଭାବେ ଡାକ୍ତର କିଶୋର ଚନ୍ଦ୍ର ପଟ୍ଟନାୟକ ଓ ଡା.ଆର.ସି ହେମ୍ବ୍ରମ ଯୋଗଦେଇଥିଲେ । ଉଭୟ ଡାକ୍ତରଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ଡାକ୍ତରଦ୍ୱୟ କରୋନା ସଂକ୍ରମଣରୁ କିପରି ନିଜକୁ ଦୂରେଇ ରଖାଯାଇପାରିବ ସେଥିପାଇଁ ଆବଶ୍ୟକୀୟ ଉପାଦେୟ ପରାମର୍ଶ ଦେଇଥିଲେ ।
ଏହି କାର୍ଯ୍ୟକ୍ରମରେ ବ୍ୟାଙ୍କ ଶାଖା ତରଫରୁ ବ୍ୟାଙ୍କ ଅଧିକାରୀ ଚମ୍ବରୁ ବାସ୍କେ, ସୁଜୀତ କୁମାର ବେହେରା, ଜୀବନ ପଣ୍ଡାଙ୍କ ସମେତ ବ୍ୟାଙ୍କ କର୍ମଚାରୀ ଉପସ୍ଥିତ ଥିଲେ । କୋଭିଡ ଗାଇଡଲାଇନକୁ ପାଳନକରି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଆଜିର ଏହି କାର୍ଯ୍ୟକ୍ରମରେ ବ୍ୟାଙ୍କର ଗ୍ରାହକ ଓ ଗଣମାଧ୍ୟମ ପ୍ରତିନିଧିଗଣ ଉପସ୍ଥିତ ଥିଲେ ।