ବୌଦ୍ଧ/ବାଉଁଶୁଣୀ, ୧୯/୨– ବୌଦ୍ଧବ୍ଲକ୍ ବାଉଁଶୁଣୀ ନାଗରିକ କମିଟି ଉପ ସଭାପତି ସୁଶୀଲ କୁମାର ଅଗ୍ରୱାଲା (୬୩ ବର୍ଷ )ଙ୍କ ପରଲୋକ ହୋଇଯାଇଛି । ମିଳିଥିବା ସୂଚନା ଅନୁଯାୟୀ ସେ ବହୁବର୍ଷ ଧରି ମଧୁମେହ ରୋଗରେ ପୀଡିତ ଥିଲେ । ଗତକାଲି ସନ୍ଧ୍ୟା ପ୍ରାୟ ୭ ଘଣ୍ଟା ସମୟରେ ସେ ବାଉଁଶୁଣୀ ଛକ ନିକଟ ନିଜ ବାସଭବନରେ ଥିବାବେଳେ ହୃଦଘାତରେ ପ୍ରାଣ ହରାଇଥିବା ଜଣାପଡିଛି । ବାହାରେ ରହୁଥିବା ପରିବାର ପରିଜନ ଖବର ପାଇ ପହଞ୍ଚିବାପରେ ଆଜି ସକାଳେ ତାଙ୍କ ମର ଶରୀରକୁ ବାଉଁଶୁଣୀ ବାଘନଦୀ ଶ୍ମଶାନ ଘାଟରେ ସଂସ୍କାର କରାଯାଇଥିବା ଜଣାପଡିଛି । ତାଙ୍କରି ବିୟୋଗରେ ବାଉଁଶୁଣୀ ନାଗରିକ କମିଟି ତରଫରୁ ଗଭୀର ଶୋକ ପ୍ରକାଶ କରାଯାଇଛି । ସେ ଜଣେ ମେଳାପୀ ଓ ମିଷ୍ଟଭାଷୀ ସ୍ୱଭାବର ବ୍ୟକ୍ତି ଥିବାରୁ ଅଂଚଳରେ ଗଭୀର ଶୋକର ଛାୟା ଖେଳି ଯାଇଛି ।