ବୌଦ୍ଧ,୩୦/୬- ବୌଦ୍ଧ ମେଡିକାଲରେ କାର୍ଯ୍ୟରତ ଜଣେ କର୍ମଚାରୀ ରଜତ କୁମାର ପଟ୍ଟନାୟକଙ୍କ ଆଜି ଅବସର ନେଇଛନ୍ତି । ଏହି ଅବସରକୁ ସ୍ମରଣୀୟ କରିବାପାଇଁ ସେ ଏକ ରକ୍ତଦାନ ଶିବିରର ଆୟୋଜନ କରିଥିଲେ ଜିଲ୍ଲା ରକ୍ତଭଣ୍ଡାର ଠାରେ ସେ ନିଜେ ରକ୍ତଦାନ କରିବାସହିତ ତାଙ୍କ ପରିବାର ଓ ବନ୍ଧୁବର୍ଗମାନେ ସ୍ୱେଚ୍ଛାକୃତ ଭାବେ ରକ୍ତଦାନ କରିଥିଲେ । ଏହି ଶିବିରରେ ମୋଟ ୧୮ ୟୁନିଟ ରକ୍ତ ସଂଗ୍ରହ ହୋଇଥିଲା । ଏଥିରେ ମୁଖ୍ୟଅତିଥି ଭାବେ କଣ୍ଟମାଳ ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ମହୀଧର ରଣା ଯୋଗଦେଇଥିବାବେଳେ ଜିଲ୍ଲାପାଳ ଲଲାଟେନ୍ଦୁ ମିଶ୍ର, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡ. ଅଭୟ କୁମାର ଦାଶ ଉପସ୍ଥିତ ଥିଲେ । କର୍ମଚାରୀ ଶ୍ରୀ ପଟ୍ଟନାୟକଙ୍କ ଏଭଳି କାର୍ଯ୍ୟକୁ ପ୍ରଶଂସା କରାଯାଇଛି । ଏହି ଶିବିରକୁ ପରିଚାଳନାରେ ରକ୍ତଭଣ୍ଡାରର ସମସ୍ତ କର୍ମଚାରୀ ସହଯୋଗ କରିଥିଲେ ।