ବୌଦ୍ଧ,୨୫/୫- ବୌଦ୍ଧର ଜଣେ ଅବସରପ୍ରାପ୍ତ କୃଷି କର୍ମଚାରୀ ଉମେଶ ଚନ୍ଦ୍ର ମିଶ୍ର ବିଭିନ୍ନ ଗ୍ରାମକୁ ମୋଟର ସାଇକେଲରେ ଯାଇ କରୋନା ସଚେତନତା ବାର୍ତ୍ତା ଦ୍ୱାରା ଲୋକଙ୍କୁ ସଚେତନ କରୁଛନ୍ତି । ବୌଦ୍ଧବ୍ଲକର ମୁର୍ଷୁଣ୍ଢି, ବଢିଗାଁ, ବଘିଆପଡା, ବ୍ରାହ୍ମଣୀପାଲି, ହରଭଙ୍ଗା ବ୍ଲକର ବନ୍ଧାପଥର ଗ୍ରାମପଞ୍ଚାୟତର ବିଭିନ୍ନ ଗ୍ରାମକୁ ଯାଇ ସରକାରଙ୍କ ଦ୍ୱାରା ପ୍ରଣୀତ ନିୟମକୁ ମାନିବା ପାଇଁ ପରାମର୍ଶ ଦେଇଛନ୍ତି ।
ଏଥିସହିତ ମାସ୍କ ପରିଧାନ କରିବାକୁ ଏବଂ ମାସ୍କ ଯେପରି ପାଟି ଓ ନାକକୁ ଘୋଡାଇରଖିବ ସେଥିପାଇଁ ସଚେତନ କରିଛନ୍ତି । ସାମାଜିକ ଦୂରତା ରକ୍ଷା, କାମ ନଥିଲେ ବାହାରକୁ ନବାହାରିବାକୁ, ବାହାରୁ ଫେରିଲେ ହାତ ସାବୁନରେ ଧୋଇବାକୁ ସେ ସଚେତନ କରୁଛନ୍ତି । ତାଙ୍କରି ଏଭଳି ପ୍ରୟାସକୁ ସବୁ ମହଲରେ ପ୍ରଶଂସା କରାଯାଇଛି ।